२५ असार , २०७३ / ब्यवस्थापिका संसदले आज विनियोजन विधेयक पारित गर्दैछ । संसदको जारी बैठकमा अहिले विनियोजन विधेयकमाथि सांसदले उठाएका प्रश्नको सम्वन्धित मन्त्रीले जवाफ दिईरहेका छन् ।
श्रम तथा रोजगार, शिक्षा, खानेपानी तथा सरसफाई, अर्थ, भौतिक योजना, शहरी विकास, प्रधानमन्त्री तथा मन्त्रीपरिषदको कार्यालय, राष्ट्रिय योजना आयोग, राष्ट्रपति/उपराष्ट्रपतिको कार्यालयका लागि विनियोजित बजेटमाथि उठेका प्रश्नको जवाफ दिने कार्य सकिएपछि बिधेयक पारित गर्ने कार्यसुची रहेको संसद सचिवालयले जनाएको छ ।
गत असार ६ गतेदेखि सुरु भएको विधेयकमाथिको छलफल गत मंगलवार सकिएको थियो । संसदमा आज राष्ट्र ऋण उठाउने विधेयक र ऋण तथा जमानत विधेयकमाथि बिचार गरियोस् भन्ने प्रस्ताव पनि पेश हुदैछ ।
No comments:
Post a Comment