बकर ईद हर्षोल्लासपूर्वक मनाइँदै, आज सार्वजनिक बिदा

काठमाडौं।   मुस्लिम धर्मावलम्बीले महान् पर्व बकर ईद आज हर्षोल्लासपूर्वक मनाउँदैछन् । इदुल फित्र अर्थात् रमजान पर्वको ७० औँ दिनमा बकर इद मनाउने धार्मिक विश्वास छ । 

 

मुस्लिम धर्मावलम्वीले बिहानै स्नान गरी नजिकैको मस्जिद वा इदगाहमा गई सामूहिक नमाज पढ्ने र एक आपसमा अंकमाल गर्दै शुभकामना आदान प्रदान गर्ने चलन छ । पर्वको अवसरमा दरबारमार्गस्थित नेपाली जामे मस्जिद, काश्मिरी मस्जिद लगायत देशभरका मस्जिद र इदगाहमा मुस्लिम धर्मावलम्बीको भीड लागेको छ । बकर ईदका अवसरमा सरकारले आज सार्वजनिक बिदा समेत दिएको छ । 

 

यसैबीच बकर इदको अवसरमा राष्ट्रपति विद्यादेवी भण्डारीले शुभकामना दिंदै आफ्नो सभ्यता, सम्पन्नता र विविधतालाई जोगाउन आ–आफ्नो स्थानबाट सङ्कल्प, सद्भाव र सत्कर्मलाई नछोडी धार्मिक सहिष्णुता एवम् सद्भावलाई अक्षुण्ण राखी राष्ट्रिय एकता कायम गनुपर्नेमा जोड दिनुभएको छ ।

 

यस्तै उपराष्ट्रपति नन्दबहादुर पुनले शुभकामना दिंदै पर्वको माध्यमबाट विभिन्न समुदायबीच आपसी सद्भाव, सहिष्णुता र भाइचाराको अभिवृद्धि गरी सबै नेपालीको प्रमुख कार्यभार संविधान कार्यान्वयन, आर्थिक, सामाजिक रुपान्तरण सहितको समृद्ध राष्ट्र निर्माण र बलियो राष्ट्रिय एकताका लागि सहमति, सहयोग र सहकार्यको बाटोमा अगाडि बढ्न आह्वान गर्नुभयो । 

 

प्रधानमन्त्री शेरबहादुर देउवाले शुभकामना दिंदै सबै जातजाती मिलेर एकताको सन्देश प्रवाह गरी राष्ट्र विकासमा सहकार्य गर्न आह्वाहान गर्नुभएको छ । 

 

भाद्र १८, २०७४

आयरल्याण्ड ३ विकेटले विजयी

अफगानिस्तान विरुद्धको चौथो वण्डेमा आयरल्याण्ड ३ विकेटले विजयी भएको छ । अफगानिस्तानले प्रस्तुत गरेको  २ सय २१ रनको लक्ष्य उसले खेल सकिन १९ बल अगावै पुरा गर्यो ।

ओपनर ब्याट्समेन पउल स्टर्लिङ्गलाई  २८, एड जोयसलाई २४ तथा कप्तान विलियम पोटरफिल्डलाई  ६ रनमा गुमाउँदा ३ विकेटको क्ष्यतिमा आयरल्याण्डले मात्र  ५९  रन जोडेको थियो । त्यसपछि दबाबमा रहेको उसले एक सय  ३० रन जोड्दा  ६ विकेट  गुमाएर पराजयतर्फ  धकेलिएको उसका लागी विकेट किपर  गेरी विल्सल  र  केबिन ओब्रेनले  ६६ रनको साझेदारी गरेपछि टोली जितको नजिक पुगेको थियो । ६७ बलको सामना गरेका विल्सन  ३ चौकाको सहायतामा  ४१  रनमा आउट भए ।

त्यसपछि  क्रिजमा आएका जर्ज डकरेल  र ओब्रेनले टिमलाई जीत दिलाए । अविजित यात्रा तय गरेका डकरेलले १० बलको सामनामा ५ तथा ६० बलको सामना गरेका ओब्रेनले विष्फोटक ब्याटिङ्ग गर्दै ८ चौका र २ छक्काको सहायतामा ७२ रन जोडे । उनले ४७ औं ओभरको पाँचौ बलमा चौका प्रहार गरेसँगै आयरल्याण्डले २ सय २४ रन बनाएको थियो । ओब्रेन नै म्यान अफ दि म्याच घोषित भए । बलिङ्गतर्फ मोहम्मद नाबीले ४ तथा रसिद खानले २ विकेट लिए ।

यसअघि इण्डीयाको नोयडामा टस जितेर ब्याटिङ्ग गरेको अफगानिस्तानले आफ्ना आक्रामक र भरोसादार खेलाडीलाई सस्तैमा गुमाएपछि अफगानिस्तान एक सय २० रनमा समेटिएको थियो ।

उसले खेल सकिन एक बल अगाबै सबै विकेट गुमायो । अफगानिस्तानले आफ्ना ६ ब्याट्समेनलाई दोहोरो अंकको रन जोड्न नपाउँदै गुमायो । ओपनर मोहम्मद सहजाद एक रनमा आउट हुँदा उस्मान घानी तीन रनमा पेवेलियन फर्किए । त्यसपछि अर्का आक्राम ब्याट्समेन राहत शाहले खाता खोल्नै भ्याएनन् । ११ रन जोड्दा ३ विकेट गुमाएको उसले ८३ रन जोड्दा थप ४ विकेट गुमाएको थियो । त्यसपछि १४२ रन जोड्दा आठौं विकेट गुमाएको थियो । 

उसका लागी सफिकउल्लाहले सर्बाधिक ४२ तथा मोहम्मद नाबी र दौलत जद्रानले समान ४१ रनको योगदान दिए । जद्रान अविजित रहेका थिए । कप्तान अस्घर तनिकजाइले ३५ रनको योगदान दिएका थिए । अफगानिस्तानलाई सस्तैमा समेट्ने क्रममा केविन ओब्रेनले ४, जाकोब मुल्डरले ३ र एण्डी म्याकब्रेनले २ विकेट लिए ।

 

जितसँगै पाँच म्याचको श्रृंखला २–२ को बराबरीमा पुगेको छ । पाँचौ तथा अन्तिम म्याच पर्सी शुक्रबार नोयडामा हुनेछ ।

९ चैत्र, २०७३

इण्डीया र अष्ट्रेलियाबीचको तेस्रो टेष्ट बराबरी, मार्स र हेन्ड्सकोम्बले बचाए अष्ट्रेलियालाई

इण्डीया र अष्ट्रेलियाबीचको तेस्रो टेष्ट बराबरीमा सकिएको छ । आज पाँचौ तथा अन्तिम दिन पाहुँना टोली अष्ट्रेलियाले पुरै खेलेपछि तेस्रो टेष्ट बराबरीमा सकिएको हो । चौथो दिन ७.२ ओभरमा २ विकेट गुमाएर दबाबमा रहेको कंगारु टोलीका लागी आज थप दबाब रहेको थियो । आज ओपनर ब्याट्समेन म्याट रेन्स १५ तथा कप्तान स्टेभन स्मिथ २१ रनमा आउट भएपछि पाहुना टोली संकटमा परेको थियो । यद्यपी सन मार्स र पेटर हेन्ड्सकोम्बको साझेदारी घरेलु टोली इण्डीयाको लागी बाधक बन्यो ।

India’s captain Virat Kohli, right, shakes hands with Australia’s Matthew Wade at the end of their third test cricket match that ended in a draw in Ranchi, India, Monday, March 20, 2017.

स्मिथलाई चौथो विकेटमा गुमाउँदा मात्र ६३ रन जोडेको कंगारु टोलीका लागी मार्स र हेन्ड्सकोम्बको जोडीले एक सय ८७ रन सम्म पुर्याएका थिए । आज बाँकी  ९२.४  ओभर  मात्र  खेल्नु  पर्ने  भएकोले  पाहुना  टोली संकटमा  परेसँगै पुरै ओभर टिक्न संघर्षरत थियो । मार्स रविन्द्र जडेजाको बलमा मुरली विजयद्धारा समातिएका थिए । उनले एक सय ९७ बलको सामनामा ७ चौकाको सहायताले ५३ रन जोडे । उनी ९१.२ ओभरमा आउट भएका थिए ।

त्यसपछि क्रिजमा आएका आक्रामक ब्याट्समेन ग्लेन म्याक्सवेल मात्र  २ रनमा पेवेलियन फर्किएपनि  ह्याण्ड्सकोम्ब र विकेट किपर म्याथ्यु वाडले अविजित खेलेका थिए । २०० बल खेलेका ह्याण्ड्सकोम्ब ७ चौका प्रहार गर्दै ७२ रनमा रहे भने वाडले १६ बलमा २ चौका हान्दै ९ रन जोडे । खेल सकिंदा पाहुना टोलीले एक सय ओभरमा ६ विकेटको क्ष्यतिमा २ सय ४ रन बनाएको थियो । बलिङ्गतर्फ रविन्द्र जडेजाले ४ तथा इशान्त शर्मा र रविचन्द्रन अश्विनले समान एक विकेट लिए ।

यसअघि राँचीमा टस जितेर ब्याटिङ्ग गरेको पाहुना टोली अष्ट्रेलियाले पहिलो इनिङ्गमा कप्तान स्टेभन स्मिथको सर्बाधिक अविजित एक सय ७८ तथा ग्लेन म्याक्सवेलको एक सय ४ रनको मद्दतमा १३७.३ ओभरमा ४ सय ५१ रन बनाएको थियो ।

जवाफमा घरेलु टोली इण्डीयाले उत्कृष्ट प्रदर्शन गर्दैै चेतेश्वर पुजराको २ सय २ , ऋद्धिमान शाहाको एक सय १७ तथा ओपनर मुरली विजयको ८२ र लोकेश राहुलको ६७ रनको मद्दतमा २१० ओभरमा ९ विकेटको क्ष्यतिमा ६ सय ३ रन बनाउँदै इनिङ्ग समाप्तिको घोषणा गरेको थियो । 

यो बराबरीसँगै चार टेष्ट म्याचको श्रृंखला एक / एक को बराबरीमा कायमै रहेको छ । यो खेलको म्यान अफ दि म्याच चेतेश्वर पुजरा भए । चौथो तथा अन्त्मि टेष्ट १२ गतेबाट धर्मशालामा शुरु हुनेछ ।

७ चैत्र,२०७३

इण्डीयाको गतिलो जबाफ

उत्तम रिजाल,  घरेलु टोली इण्डीयाले अष्ट्रेलिया विरुद्धको तेस्रो टेष्टको पहिलो इनिङ्गमा गतिलो जबाफ दिएको छ । पाहुना टोली अष्ट्रेलियालाई आज  ४  सय ५१ रनमा रोक्दै आफ्नो इनिङ्ग शुरु गरेको उसले दोस्रो दिनको खेल सकिंदा सम्म एक विकेट गुमाएर एक सय २० रन जोडेको छ ।Australia’s Pat Cummins, right, celebrates the dismissal of India’s Lokesh Rahul, left, during the second day of their third test cricket match in Ranchi, India, Friday, March 17, 2017.
उसका लागि ओपनर दोय लोकेश राहुन र मुरली विजयले ९१ रनको साझेदारी गरे । राहुल एक सय २ बलको सामना गर्दै ९ चौकाको सहायताले ६७ रन जोडेर आउट भए । उनी पाट कुमिन्सको बलमा विकेट किपर म्याथ्यु वाडद्धारा क्याच आउट भए । क्रिजमा एक सय १२ बलको सामना गरेका मुरली विजय ६ चौकाको सहायताले ४२ तथा २६ बलको सामना गरेका चेतेश्वर पुजरा एक चौकाको सहायताले १० रनमा छन् ।
यसअघि आज ४ विकेटको क्ष्यतिमा २ सय ९९ रनबाट खेख्न शुरुगरेको पाहुना टोली अष्ट्रेलियाले एकसय ३७.३ ओभरमा ४ सय ५१ रन जोडेको थियो । उसका लागि कप्तान स्टेभन स्मिथले सर्बाधिक अविजित एक सय ७८, ग्लेन म्याक्सवेलले एक सय ४, म्याट रेनसले ४४ तथा विकेट किपर म्याथ्यु वाडले ३७ रनको योगदान दिएका थिए । बलिङ्गतर्फ रविन्द्र जडेजाले ५, उमेश यादवले ३ तथा रविचन्द्रन अश्विनले एक विकेट लिए ।

India’s Cheteshwar Pujara bends to avoid a rising delivery during the third day of their second test cricket match against Australia in Bangalore, India, Monday, March 6, 2017.

भोलि घरेलु टोली एक विकेटको क्ष्यतिमा एक सय २० रनबाट खेल्न शुरु गर्नेछ । चार टेष्ट म्याचको श्रृंखला एक एक को बराबरीमा छ ।

Australia’s Steve O’Keefe, left, reacts as the stumps break in an unsuccessful attempt to run-out India’s Murali Vijay, right, during the second day of their third test cricket match in Ranchi, India, Friday, March 17, 2017.

  ४ चैत्र,२०७३

पाकिस्तान विरुद्धको पहिलो टेष्टमाअष्ट्रेलिया विजयी

उत्तम रिजाल, ५ पुस,२०७३ ।  पाकिस्तान विरुद्धको पहिलो टेष्टमा घरेलु टोली अष्ट्रेलिया ३९ रनले विजयी भएको छ । व्रिसबर्नमा ४ सय ८० रनको लक्ष्य लिएर जबाफी ब्याटिङ्ग गरेको पाहुना टोली एक सय ४५ ओभरमा ४ सय ५० रनमा समेटिएसँगै घरेलु टोली विजयी भएको हो ।

Australian players celebrate their victory over Pakistan in the first day-night cricket Test match between Australia and Pakistan in Brisbane .

पाकिस्तानका लागी म्यान अफ दी म्याच असाद सफिकले सतक बनाएपनि त्यो जितका लागि पर्याप्त हुन सकेन् । उनले २ सय ७ बलको सामना गर्दै १३ चौका र एक छक्काको सहायताले एक सय ३७ रन बनाए । त्यस्तै ओपनर अजहर अलीले ७१,पुर्व कप्तान युनिस खानले ६५ तथा मोहम्मद अमिरले ४८ रन बनाएका थिए ।

मलेशिया विरुद्ध नेपालको कठिन जित

उत्तम रिजाल, ३ पुस,२०७३  ।    श्रीलंकामा जारी अण्डर नाइन्टिन एशिया कप क्रिकेटमा नेपालले कठिन जित हात पारेको छ । आज सम्पन्न समुह चरणको अन्तिम खेलमा नेपालले मलेशियालाई एक विकेटले पराजित गरेको हो ।

कोलम्बोमा टस हारेर ब्याटिङ्ग गरेको मलेशियाले ४४ दशमलव ४ ओभरमा एक सय ५३ रन बनाएको थियो । उसका लागि कप्तान विरन्दिप सिंहले सर्वाधिक ७५,मोहम्मद हासिफले २१ र सैफ उल्लाह मल्लिकले ११ रनको योगदान दिन बाहेक अन्यले दोहोरो अंकको रन जोड्न सकेनन् । आठ रनमा पहिलो विकेट गुमाएको मलेशियाले दोस्रो विकेट पनि आठ रनमै गुमाएको थियो । ४८ मा तेस्रो,५७ मा चौथो,७३ मा पाँचौ,७९ मा छैटौ,८५ मा सातौ,एक सय २० मा आठौ र एक सय ३७ मा नौ औं विकेट गुमाएको थियो । मलेशियालाई सस्तैमा समेट्ने क्रममा बलिङ्गतर्फ नेपालका आदिल खानले तीन तथा कप्तान संन्दिप लामिछाने र दिपेन्द्रसिंह ऐरीले दुई–दुई विकेट लिए ।

जबाफमा एक सय ५४ रनको झिनो लक्ष्य लिएर मैदान उत्रिएको नेपालले ओपनर आसिफ सेखलाई एक तथा अर्का आक्रामक ब्याट्समेन आदिल खानलाई विना कुनै रनमा गुमाएको थियो । टिमको स्कोर ६ रन भएको अबस्थामा दुई विकेट गुमाएको नेपालले ३९ रनमा तेस्रो विकेट गुमाएको थियो । त्यसपछि दबाबमा रहेको नेपालले ६२ मा चौथो विकेट गुमायो । ओपनर अभिनास कर्ण २९ रन जोड्दै आउट भए । त्यसपछि आस गरिएका दिपेन्द्रसिंह ऐरी पनि २२ रन जोड्दै आउट हुँदा नेपालले मात्र ८० रन जोडेको थियो । त्यसपछि विकेट किपर प्रकाश केसी दोस्रो बलको सामना गर्ने क्रममा विरन्दिप सिंहको बलमा एलबीडब्लु धरापमा पर्दा नेपालले ८० रनमै छैटौ विकेट गुमाएको थियो । त्यसपछि पराजय उन्मुख रहेको नेपालका लागी रोहित कुमार पौडेलले केहि सम्माले पनि उनीपनि १२ रन जोड्दै मोहम्मद अमिरको बलमा बोल्ड आउट भए ।

त्यपछि झन दबाबमा रहेको नेपालले एक सय ८ रनमा आठौ विकेट गुमाएको थियो । आठौ विकेट झरेसँगै समुह चरणको अन्तिम खेलमा मात्र भएपनि जित निकाल्ने सोचमा रहेको नेपाल पराजय नजिक पुगेको थियो । त्यसपछि अनिल शाहाले सम्मालिदै ब्याटिङ्गगर्दा टिमलाई जित नजिक पुर्याए । उनले ६६ बलको सामना गर्दै ३२ रनको योगदान दिए । उनी नौ औं विकेट स्वरुप आउट हुँदा नेपालले एक सय ४५ रन जोडेको थियो । शाहालाई पबन सराफले साथ दिएका थिए । सराफ ६७ बलको सामना गर्दै २ चौका र एक छक्काको मद्दतमा २९ रनमा अविजित रहे । टिमलाई जित दिलाउने क्रममा अन्तिम विकेटका रुपमा क्रिजमा आएका कप्तान संन्दिप लामिछानेले तीन बलमा तीन रनको योगदान दिए । यसअघि समुह चरणका दुई खेल गुमाएसँगै प्रतियोगिताबाट बाहिरीसकेको नेपालले जितको स्वाद पाएपनि आस गरिए अनुसारको भने खेल खेल्न सकेन् । नेपाल पहिलो खेलमा आयोजक श्रीलंकासँग एक रनले र दोस्रो खेलमा इण्डीयासँग ६ विकेटले पराजित भएको थियो ।

एलेप्पोबाट बालबालिकासहित ३ हजार बढी अन्यत्र स्थानान्तरण

पुस १, २०७३ ।  सिरियाको द्वन्द्वग्रस्त क्षेत्र एलेप्पोबाट बालबालिकासहित ३ हजार बढी घाइते  तथा गैरसैनिकलाई स्थानान्तरण गरिएको छ ।  

गत बुधबार बिद्रोहीले अघि सारेको नयाँ सम्झौता लागू भएसंगै त्यहाँबाट ४० बढी घाइते र बालबालिकासहित ३ हजार बढीलाई अन्यत्र स्थानान्तरण गरिएको अन्तर्राष्ट्रिय रेड क्रसले जनाएको हो  ।  हजारौं सिरियाली विद्रोही तथा तिनका परिवारलाई पनि इड्लिब र एलेप्पो प्रान्तकै अन्य विद्रोही नियन्त्रित क्षेत्रमा स्थानान्तरण गरिदैछ । इन्टरनेशनल कमिटि अफ रेड क्रसले बिद्रोही नियन्त्रित क्षेत्रबाट मानवीय स्थानान्तरण गर्न अझै केही दिन लाग्ने जनाएको छ । 

चार बर्षे  गृहयुद्धपछि सरकारी सेनाले एलेप्पोमा विद्रोहीले नियन्त्रणमा लिएका अधिकांश भाग पुनस् कब्जा गरेपछि कमजोर बनेका बिद्रोहीले गत बुधबार नयाँ सम्झौता गरी मानवीय सहायताका लागि तयार भएका थिए ।   सम्झौताका लागि मध्यस्थता गरेको रुसले, स्थानान्तरण प्रकृया  छिटो र प्रभावकारी बनाई घाइते तथा अन्य सबैको सुरक्षाको प्रत्याभुती गराउने र कुनै समस्यामा पर्न नदिइने संयुक्त राष्ट्र संघलाई बताएको छ ।   राष्ट्रपति बसर अल असदले भने यसलाई महत्वपूर्ण जीतका रुपमा हेरिएको बताएका छन् ।

इण्डीयासँगको पराजयसँगै नेपाल बाहिरीयो

उत्तम रिजाल, १ पुस, २०७३ ।   श्रीलंकामा जारी अण्डर नाइन्टीन एशिया कप क्रिकेटमा नेपाल इण्डीयासँग पराजित भएको छ । इण्डीयासँगको पराजयसँगै नेपाल प्रतियोगिताबाट पनि बाहिरीएको छ ।

समुह चरणको पहिलो खेलमा आयोजक श्रीलंकासँग एक रनले पराजित भएपछि बाँकी दुबै खेल जित्नु पर्ने दबाबमा रहेको नेपाल आज इण्डीयासँग ६ विकेटले पराजित भएको हो । कोलम्बोमा टस जितेर ब्याटिङ्ग गरेको नेपालले प्रस्तुत गरेको एक सय ७३ रनको लक्ष्य इण्डीयाले खेल सकिन ९९ बल अगाबै पुरा गरेको थियो । ओपनर  पृथ्वी सावलाई ५ रनमै नेपालका कप्तान तथा स्पिनर संदिप लामिछानेले पेवेलियनको बाटो देखाउँदै विकेट लिएर जित निकाल्न सक्ने संकेत देखाएपछि त्यसपछि सहत विकेट लिन नसक्दा पराजय भोगेको थियो ।

दोस्रो विकेटका लागी नेपालले १९ औं ओभर सम्म पर्खिनु परेको थियो । अर्का ओपनर हिमांसु राना दोस्रो विकेट स्वरुप १९ औं ओभरको अन्तिम बलमा विकेट किपर प्रकाश केसीद्धारा समातिएका थिए । उनी पवन सराफको बलमा केसीद्धारा समातिदा ६१ बलमा ५ चौका सहित ५१ रनमा थिए । टिमका लागि अर्का आक्रामक ब्याट्समेन सुबमन गिलले ५७ रनको योगदान दिएका थिए । बलिङ्गतर्फ पवन सराफले तीन तथा सन्दिप लामिछानेले एक विकेट लिए ।

यसअघि नेपालले रोहित कुमार पौडेलको अविजित ६८,दिपेन्द्रसिंह ऐरीको ३४,आसिफ सेखको १८,प्रकाश केसीको १३ तथा कप्तान सन्दिप लामिछानेको ७ रनको मद्दतमा निर्धारीत ५० ओभरमा ९ विकेट गुमाइ एक सय ७२ रन जोडेको थियो । नेपालले अब समुह चरणको अन्तिम खेलमा मलेशियाको सामना गर्नेछ । 

एसीसी अण्डर १९ क्रिकेटमा नेपाल श्रीलंकासंग १ रनले पराजित

३० मंसिर , २०७३ ।    एसीसी अण्डर १९ एसिया कप क्रिकेटमा नेपाल श्रीलंकासंग १ रनले पराजित भएको छ । जितको नजिक पुगेको नेपाल अन्तिम समयमा सम्हालिन नसक्दा पहिलो खेलमै पराजित भएको हो ।

२ सय २८ रनको लक्ष्य पछ्याएको नेपाल ३ बल बाँकी छँदै २ सय २६ रनमा अलआउट हुन पुग्यो । दिपेन्द्र सिंह ऐरीले ९० रन बनाएपछि जितको नजिक पुगेको नेपालले ३० रन जोड्न पछिल्ला ५ विकेट गुमायो । ३२ रनमा ३ विकेट गुमाएर दबाबमा आएको नेपालको इनिङ्स दिपेन्द्रले सम्हाले । ९९ बल खेल्दै उनले ९ चौका र १ छक्का प्रहार गरे । 

नेपालका अविनाश कर्णले ४०, अदिल खानले ३९ र प्रकाश केसीले १४ रन बनाए ।  ओपनरद्धय सन्दिप सुनार २ तथा आशिफ शेख १ रनमा पवोलियन फर्किएको खेलमा भिम सार्की ८, कमल सिंह ९, सन्दिप लामिछाने १ र पवन सर्राफ शुन्य रनमा आउट भए । श्रीलंकाका कामिन्डु मन्डिसले सर्वाधिक ३ विकेट लिए । आईसीसीको प्रतिबन्धपछि घरेलु क्रिकेट शुन्य रहेको अवस्थामा देशका विभिन्न सहरबाट प्रतिभावान खेलाडी छान्दै नेपालले राष्ट्रिय टोली गठन बनाएको थियो ।

मात्र १५ दिनको बन्द प्रशिक्षणबाट नेपाली टोली प्रतियोगिता खेल्न श्रीलंका गएको थियो ।  यसअघि कोलम्बोमा नेपालले टस जितेर फिल्डिङ रोजेपछि ब्याटिङमा उत्रिएको घरेलु टोली श्रीलंकाले निर्धारित ५० ओभरमा ८ विकेट गुमाएर २ सय २७ रन जोड्यो । श्रीलंकाका हसिथा बोयागोदाले १२ चौकाको मदतले सर्वाधिक ८३ रन बनाए । 

नेपालका कमल सिहले ३, पवन सर्राफले २ तथा दिपेन्द्र सिंह ऐरीले १ विकेट लिए ।  हारपछि नेपालको अघिल्लो चरणको सम्भावना कठिन बनेको छ । नेपाल रहेको समुह ए अन्र्तगत आजै भएको अर्को खेलमा डिफेन्डिङ च्याम्पियन इन्डियाले मलेसियालाई २ सय ३५ रनले हराएको छ ।

समुह चरणबाट समान एक जित निकाल्दै शिर्ष स्थानको इन्डिया र दोस्रो स्थानको श्रीलंकाले समान ३ अंक जोडेका छन । नेपालले समुह चरणको दोस्रो खेलमा भोली डिफेन्डिङ च्याम्पियन इन्डियासंग प्रतिस्पर्धा गर्नेछ । 

‘रुसका राष्ट्रपति पुटिन लगातार चौथो वर्ष विश्वकै शक्तिशाली व्यक्ति

३० मंसिर , २०७३  ।   रुसका राष्ट्रपति भ्लादिमिर पुटिन लगातार चौथो वर्ष विश्वको शक्तिशाली व्यक्तिको सूचीमा शीर्ष स्थानमा पर्नुभएको छ ।

अमेरिकी म्यागजिन फोर्बस्ले सार्वजनिक गरेको सन् २०१६ का शक्तिशाली व्यक्तिको सूचीमा अमेरिकी नवनिर्वाचित राष्ट्रपति डोनाल्ड ट्रम्पलाई पछि पार्दै रुसी राष्ट्रपति पुटिन शक्तिशाली ब्यक्तिको सूचीमा शीर्ष स्थान रहनु भएको हो । 

भारतीय प्रधानमन्त्री नरेन्द्र मोदीलाई फोब्र्सले नवौं स्थानमा राखेको छ । सो सूचीमा विश्वका शक्तिशाली ७४ व्यक्ति अटाएका छन् । सार्वजनिक सूचीअनुसार तेस्रो स्थानमा जर्मन चान्सलर एन्गेला मर्केल, चौथो स्थानमा चीनका राष्ट्रपति सि जिनपिङ, पाँचौं स्थानमा पोप फ्रान्सिस, अमेरिकाकी जानेट यलिन छैटौं, विल गेट्स सातौं, लरी पेज आठौं तथा फेसबुकका संस्थापक मार्क जुकरबर्ग दशौं स्थानमा  परेका छन् ।

सिरियामा बिद्रोही कमजोर बन्दै र मानविय सहायताको लागि ५ दिने युद्धबिराम

२३ मंसिर, २०७३ ।   सिरियाको एलेप्पोमा मानवीय सहायतका लागि भन्दै बिद्रोहीले पाँचदिने युद्धविराम माग गरेका छन् । चार वर्षदेखि विद्रोही नियन्त्रणमा रहेको  पूर्वी अलेप्पोको ७५ प्रतिशत क्षेत्र सरकारी सेनाले आफ्नो नियन्त्रणमा लिएपछि बिद्रोहीहरु पछि हटेको अन्तराष्ट्रिय सञ्चारमाध्यमले जनाएका छन् । 

त्यहाँस्थित बिद्रोहीेले एलेप्पोमा फसेका लाखौं सर्वसाधारणलाई सुरक्षित ठाउँमा जान दिन सिरियाली सरकारसंग सो आग्रह गरेका हुन् । विद्रोहीले एलेप्पोमा ठूलो संख्यामा सर्वसाधारणहरु खतरामा रहेकोले उनीहरुलाई सुरक्षित स्थानमा स्थानान्तरण गर्न तथा समस्या समाधानका लागि  समर्थन गर्न पनि तयार रहेको बताएका छन् । उनीहरुले राष्ट्रसंघको निगरानीमा पाँचदिने मानवीय युद्धविराम गरी घाइतेलाई आपतकालीन उपचार गरिनुपर्ने, सर्वसाधारणलाई उद्दार गर्नुपर्ने माग गरेका छन् । 

यद्यपी सिरियाका  राष्ट्रपति बसर अल असदले एलेप्पोमा युद्धविरामको प्रस्ताव अस्वीकार गर्नुभएको छ । असदले एलेप्पोमाथिको जीत सिरियामा जारी ५ बर्षे गृहयुद्ध अन्त्यको लागि ठूलो कदम हुनसक्ने प्रतिक्रिया दिनुभएको छ । एलेप्पोमा सरकारी नियन्त्रण बलियो बन्दै गर्दा बिद्रोही भने केही कमजोर बनेको बेलायतस्थित सिरियन अब्जरभेटरी फर ह्युमन राइट्स जनाएको छ । 

इन्डोनेसियामा शक्तिशाली भुकम्प

एजेन्सी मंसिर २२, २०७३ ।   इन्डोनेसियाको आचे प्रान्तमा गएको भूकम्पमा कम्तिमा २५ जनाको मृत्यु भएको छ ।

स्थानीय समयअनुसार बिहान ५ बजेर ३ मिनेटमा गएको ६ दशमलव ५ रेक्टर स्केलको भूकम्पले कयौं घर भत्किएका छन् । ठूलो संख्यामा घाइतेलाई अस्पताल लगिएको छ । भूकम्पपछि अधिकांश घरहरु भत्किएका छन् । भत्किएका घरहरुमा फसेकाहरुको उद्धार तिब्र बनाईएको छ ।  सन् २००४ मा आचेमै गएको ९ दशमलव २ रेस्टर स्केलको भूकम्पपछि सुनामी गएको थियो । तर, अहिले भने सुुनामीको कुनै सम्भावना नभएको इन्डोनेसियाको मौसम विभागले जनाएको छ । 

सन् २०२५ सम्म डिजेलबाट चल्ने सवारी साधन विस्थापित गरिसक्ने

१८ मंसिर , २०७३ ।  वायु प्रदुषण नियन्त्रण गर्ने भन्दै फ्रान्स,  स्पेन,  मेक्सिको र ग्रीसले सन् २०२५ सम्म डिजेलबाट चल्ने सवारी साधन विस्थापित गरिसक्ने बताएका छन् ।

 मेक्सिकोमा भएको वातावरणीय सम्मेलनमा सो चारै देशले सो घोषणा गरेका हुन् । सम्बन्धित मुलुकका अधिकारीले  सर्वसाधरणलाई साइकल पैदल  अथवा  अन्य बैकल्पिक सवारीसाधनको प्रयोग गर्न आग्रह गरेका  छन्  । बिश्वका ऐतिहासिक शहर फ्रान्सको पेरिस,स्पेनको मड्रिड मेस्किको र ग्रीसको एथेन्समा वास्तविक सुन्दरतामा कमी आउन नदिने  योजनाका साथै मानव स्वास्थ्य र पर्यावरण जोगाउनका लागि समेत यो कदम चालिएको  सरकारी अधिकारीले जनाएका छन् ।   

विश्व स्वास्थ्य संगठनका अनुसार  हरेक बर्ष  वायु प्रदुषणका  कारण  मात्र ३० जनाको मृत्यु हुने गरेको  छ । जलबायु संकटलाई कम गर्न यो कदम स्वागतयोग्य भएको बिश्लेषण गरिएको छ । 

ब्राजिलका फुटबल खेलाडी सहित ८१ जना सवार विमान दुर्घटना

१४ मंसिर , २०७३,एजेन्सी  ।  बोलिभियाबाट ब्राजिलको एक फुटबल क्लबका खेलाडीसहित ८१ जना सवार बिमान कोलम्बियामा दुर्घटनामा परेको छ ।  

ब्राजिलियन क्लब चापेकाईन्सीको टोली लिएर उडेको चार्टड हवाई जहाज दुर्घटनामा परेको विमानस्थलका अधिकारीले जनाएका छन् । विमानमा रहेका केही यात्रु भने जिवितै रहेको बताइएको छ ।   चालक दलका नौ सदस्यसहित ८१ जना बोकेको बिमान पहाडी क्षेत्रमा दुर्घटनामा परेको विविसीले जनाएको छ । 

कोपा सुडामेरिकानाको फाइनल प्रतियोगिताका लागि फुटबल टोली कोलम्बियाको मेडेलिन जाने क्रममा थियो । दक्षिण अमेरिकी क्लब फुटबलको दोस्रो ठूलो प्रतियोगिता मानिने खेलको फाईनलमा ब्राजिलियन टोलीले भोली कोलम्बियाको एथ्लेटिको नाशियोनलसंग प्रतिस्पर्धा गर्ने तालिका थियो । विमानले अन्तिम पटक नियन्त्रण कक्षलाई विद्युतीय खराबी आएको जानकारी गराएको विमानस्थलद्वारा जारी विज्ञप्तीमा उल्लेख छ ।

सुडानको डार्फरवाट हतियारधारी समूहद्वारा दुई नेपाली सहित ३ जना अपहरित

१३ मंसिर, २०७३ ।  सुडानको हिंसाग्रस्त क्षेत्र पश्चिम डार्फरबाट हतियारधारी समूहले संयुक्त राष्ट्रसंघीय शरणार्थीसम्बन्धी नियोग यूएनएचसीआरमा कार्यरत दुई नेपालीसहित एक सुडानी नागरिकलाई अपहरण गरेको छ ।  

तीनैजनालाई पश्चिम डार्फरबाट अपहरण गरिएको एक स्थानीय सरकारका अधिकारीलाई उद्धृत गर्दै एएफपीले बताएको छ । पश्चिम डार्फरको राज्य सरकारका प्रवक्ता अब्देल्ह मुस्तफाले एएफपीलाई भन्नुभएको छ – हतियारधारी समूहले हिजो तीनजना यूएनएचसीआरमा कार्यरतहरुलाई जिनिनाबाट अपहरण गरेका छन् , अपहरण हुनेमा २ जना नेपाली र एक सुडानी छन् । 

प्रहरीहरुले अपहरणकारीको खोजी गरिरहेको छ । यूएनएचसीआरका अधिकारीहरुले भने अपहरणका बारे कुनै प्रतिक्रिया नदिएको पनि एएफपीले जनाएको छ । डार्फरमा सन् २००३ देखि भड्किएको गृहयुद्धमा ३ लाखजनाले ज्यान गुमाइसकेका छन् भने २५ लाख मानिस विस्थापित भएको संयुक्त राष्ट्रसंघले जनाएको छ ।

हिंसा फैलाउन मद्धत गरेको आरोपमा युगाण्डाका राजा पक्राउ

१३ मंसिर, २०७३ ।   युगाण्डाको रवेनजुरुरु क्षेत्रका राजालाई हिंसा फैलाउन मद्धत गरेको आरोपमा पक्राउ गरिएको छ ।

प्रहरी र राजाको समर्थक बिच भएको भिडन्तमा  ५५ जनाको मृत्यु भएको थियो । चाल्र्स वेस्ले मुम्बेरे माथि हिंसा फैलाएको आरोप लगाईएको छ । उनको गृहनगर कासेसेमा मिलिसिया लडाकुले प्रहरी चौकीमा आक्रमण गरेका थिए । सरकारी सुरक्षाबलले राजा मुम्बेरेको दरबारमा छापा मारेर हिरासतमा लिएको थियो । उनी माथि हिसांमा संलग्न लडाकुलाई संरक्षण लिएको आरोप लगाईएको छ ।

तर राजा मुम्बेरेले आफु माथि लगाईएका आरोपको भने खण्डन गर्दै आएका छन् । हिंसाका क्रममा १४ प्रहरी र ४१ लडाकुको मृत्यु भएको बीबीसीले जनाएृको छ । राजा मुम्बेरेको सहयोगी समुहले डेमोक्रेटिक रिपब्लिक अफ कंगोको सीममा नयाँ राष्ट्र बनाउने योजना बनाएको युगाण्डा सरकारले आरोप लगाएको छ । 

बिद्रोही नियन्त्रित एलेप्पोको मासाकेन जिल्ला पुन सरकारी सेनाको कव्जामा

१२ मंसिर , २०७३  ।   सिरियाली सेनाले विद्रोही नियन्त्रित जिल्ला मासाकेन हानानो माथी पुन नियन्त्रण कायम गरेको छ ।

ठुलो संख्यामा बिद्रोही रहेको भनिएको एलेप्पोको मासाकेन हानानोलाई   सरकारी सेनाले पुनस् कब्जामा लिएको अन्तराष्ट्रिय समाचार माध्यमले जनाएका छन् । बिद्रोहीबिरुद्ध गत महिनादेखि जारी कारवाहीका क्रममा आईएसको पकड कमजोर बन्दै गएको दाबी गरिएको छ । २ लाख ७४ हजार भन्दाबढी सर्वसाधरण अझै पनि विद्रोही नियन्त्रीत क्षेत्रमा फसेको हुनसक्ने अन्तराष्ट्रिय समाचार माध्यमले जनाएका छन् । 

सेनाको पछिल्लो कारवाहीमा २ सय १२ जनाको मृत्यु भएको बेलायत स्थित मानवअधिकारवादी संस्था सिरियान अब्जरभेटरी फर ह्युमन राईट्सले जनाएको छ । युद्धग्रस्त क्षेत्रमा खाना र औषधिको चरम अभाव रहेको समेत सो संस्थाले उल्लेख गरेको छ । एलेप्पोमाथि पुनस् नियन्त्रण कायम गर्न भैरहेको युद्धका लागी मासाकेन हानानो माथीको जीत महत्पुर्ण भएको सरकारी दावी छ ।

क्युवाका पूर्वराष्ट्रपति फिडेल क्यास्ट्रोको निधन

 ११ मंसिर , २०७३ ।  क्युवाका पूर्वराष्ट्रपति फिडेल क्यास्ट्रोको ९० बर्षको उमेरमा आज निधन भएको छ ।

क्युवाको सरकारी र राज्य टेलिभिजनले क्यास्ट्रोको मृत्युको औपचारिक जानकारी गराएको अन्तराष्ट्रिय सञ्चारमाध्यमहरुले जनाएका छन् । क्युवाको कम्युनिष्ट आन्दोलनमा महत्वपुर्ण भुमिका खेलेका क्यास्ट्रोले क्युवालाई आधा शताब्दी नेतृत्व गर्नुभएको थियो ।

उहाँले क्युवालाई कम्युनिष्ट राज्यको रुपमा स्थापित गर्दा अमेरिका लगायत बिश्वका शक्तिसम्पन्न राष्ट्र र क्युवाकै बिपक्षी दलले उहाँको ब्यापक आलोचना गरेका थिए ।  सन् १९५९ देखी २००८ सम्म क्युवालाई नेतृत्व दिनुभएका क्यास्ट्रो प्रधानमन्त्री बनेपछि अमेरिकाको कटु आलोचक बन्नुभएको थियो । स्वास्थ्य अबस्था कमजोर बनेपछि उहाँले भाई राहुल क्यास्ट्रोलाई जिम्मेबारी सुम्पदंै सक्रिय राजनितीबाट सन् २००८ मा बिदा लिनुभएको थियो  ।

उहाँ सन् १९५९ देखी १९७६ सम्म क्युवाको कार्यकारी प्रधानमन्त्री र ७६ पछि २००८ सम्म राष्ट्रपतिको रुपमा रहनुभएको थियो । उहाँले गत अप्रिलमा कम्युनिष्ट पार्टीको सभालाई अन्तिम पटक सम्बोधन गर्नुभएको थियो ।

अष्ट्रेलियामा नेपाली विद्यार्थीको मृत्यु

  ६ कार्तिक, २०७३ ।  अष्ट्रेलियाको पश्चिम पर्थमा उच्च शिक्षा अध्ययन गरिरहेका विराटमान ताम्राकारको मृत्यु भएको छ । काठमाडौं नरदेवी घर भएका ताम्राकार गत बिहीबार विहान काममा जाने क्रममा सडकमा ढलेका थिए । उनको उपचारका क्रममा मृत्यु भएको हो । 

पर्थमा रहेको इडिथ कोवान युनिभर्सिटीमा इन्जिनियरिङ बिषय अध्ययन गरिरहेका ताम्राकार करिब डेढ बर्षअघि अष्ट्रेलिया गएका थिए । उनीसँगै बस्ने डिल्ली पराजुलीकाअनुसार ताम्राकार स्थानीय एक कम्पनीमा कार्यरत थिए । काममा जाने क्रममा स्थानीय सडकमा ढलेका उनलाई तत्कालै उपचारका लागि रोयल पर्थ अस्पतालमा लगिएको थियो । 

चिकित्सकहरुले उनको मृत्यु हार्टअर्टयाक अथवा ब्रेन ह्यामरेजका कारण भएको हुनसक्ने अनुमान गरेपनि पोष्टमार्टमको रिपोर्ट आएपछि यथार्थ थाहा हुने पराजुलीले बताएका छन् ।  परिवारका एक्ला छोरा ताम्राकार आफ्नो अध्ययनको अन्तिम बर्षमा थिए । उनको शवलाई परिवारको आग्रह अनुसार नेपाल ल्ःयाउने तयारी थालिएको पर्थमा रहेको नेपाली एसोसिएसन अफ वेष्टर्न अष्ट्रेलियाका सदस्य कमल सिलवालले जानकारी दिए । 

सिलवालका अनुसार शव नेपाल पठाउनका लागि करिब १२ हजार ५ सय डलर लाग्ने र सो रकम संकलनका लागि विराट ताम्राकार आकस्मिक सहयोग खाता खोलेर रकम संकलन थालिएको छ । पोस्टमार्टमबाट शव आएपछि जतिसक्दो नेपाल पठाइने सिलवालले जानकारी दिए ।

साउदी अरबका राजकुमारलाई मृत्युदण्डको सजाय

 ३ कार्तिक , २०७३ ।  आफ्नै साथीको हत्या गरेको अभियोग  पुष्टि भएपछि साउदी अरबका राजकुमार टुर्की बिन साउद अल–काबिरलाई मृत्युदण्डको सजाय दिइएको छ ।

तीन वर्षअघि  विवादको क्रममा आफ्नै साथीको गोली हानी हत्या गरेको अभियोग लागेका अल–काबिरलाई साउदीको एक अदालतले दोषी ठहर गरेको थियो । राजकुमारलाई राजधानी रियादको एक अज्ञात स्थलमा मृत्युदण्ड दिइएको साउदीको गृहमन्त्रालयले पुष्टी गरेको छ । 

यद्यपी राजकुमार अल–काबिरलाई कसरी  मृत्युदण्ड दिइयो भन्ने बारेमा केही खुलाइएको छैन । पीडित परिवारले क्षतिपूर्ति लिन अस्वीकार गर्दै अभियुक्तलाई सजाय दिन अपील गरेपछि अदालतले राजकुमारलाई मृत्युदण्ड दिने फैसला सुनाएको थियो । राजकुमार अल–काबिर यो वर्ष फाँसीको सजाय पाउने एक सय ३४ औं व्यक्ति रहेको गृहमन्त्रालयलाई उद्धृत गर्दै अन्तर्राष्ट्रिय सञ्चार माध्यमले जनाएका छन् । 

साउदी अरेबियामा मृत्युदण्डको सजाय सामान्य भएपनि राजपरिवारका सदस्यलाई नै मृत्युदण्ड दिएको बिरलै पाइन्छ । साउदी अरेबियाको गृहमन्त्रालयले यो निर्णयले सरकार न्यायप्रति प्रतिबद्ध छ भन्ने कुरामा जनताको भरोसा र विश्वास मिल्ने जनाएको छ ।  विश्वकै सवै भन्दा कडा कानुन भएको मुलुक मध्ये साउदी अरेबियामा लागू औषध तस्कर र हत्यारालाई मृत्युदण्ड दिने कानुनी व्यवस्था छ ।