३० मंसिर , २०७३ । रुसका राष्ट्रपति भ्लादिमिर पुटिन लगातार चौथो वर्ष विश्वको शक्तिशाली व्यक्तिको सूचीमा शीर्ष स्थानमा पर्नुभएको छ ।
अमेरिकी म्यागजिन फोर्बस्ले सार्वजनिक गरेको सन् २०१६ का शक्तिशाली व्यक्तिको सूचीमा अमेरिकी नवनिर्वाचित राष्ट्रपति डोनाल्ड ट्रम्पलाई पछि पार्दै रुसी राष्ट्रपति पुटिन शक्तिशाली ब्यक्तिको सूचीमा शीर्ष स्थान रहनु भएको हो ।
भारतीय प्रधानमन्त्री नरेन्द्र मोदीलाई फोब्र्सले नवौं स्थानमा राखेको छ । सो सूचीमा विश्वका शक्तिशाली ७४ व्यक्ति अटाएका छन् । सार्वजनिक सूचीअनुसार तेस्रो स्थानमा जर्मन चान्सलर एन्गेला मर्केल, चौथो स्थानमा चीनका राष्ट्रपति सि जिनपिङ, पाँचौं स्थानमा पोप फ्रान्सिस, अमेरिकाकी जानेट यलिन छैटौं, विल गेट्स सातौं, लरी पेज आठौं तथा फेसबुकका संस्थापक मार्क जुकरबर्ग दशौं स्थानमा परेका छन् ।
No comments:
Post a Comment