संसद बैठक आठौं पटक स्थगित

७ पुस, २०७३ । व्यवस्थापिका संसदको बैठक आज पनि सूचना टाँसेर स्थगित भएको छ । संविधान संशोधनको विषयमा असन्तुष्टि जनाउदै एमाले सहितका प्रतिपक्ष दलले अबरोध जारी राख्ने निर्णय गरेपछि बैठक आगामी आईतबार सम्मका स्थगित गरिएको हो ।

यो सहित ८ वटा बैठक लगातार स्थगित भएका छन् । एमाले लगायतका केहि प्रतिपक्षी दलले सरकारले गत मंसिर १४ गते दर्ता गरेको संविधान संशोधन विधेयक फिर्ता नलिएसम्म बैठक चल्न नदिने अडान राखेका छन ।

गत सोमवार निर्वाचनसम्बन्धि बिधेयक र संविधान संशोधन विधेयकलाई बैठकको कार्यसूचिमा राखिएको थियो । यस बीचमा सभामुख ओनसरी घर्तिले सहमतिको प्रयास गरेपनि सफल हुन सकेन ।

लगायतार बैठक स्थगित हुँदा निर्वाचनसंग सम्बन्धित विधेयक अघि बढ्न सकेको छैन भने अख्तियारका लिम्बित प्रमुख लोकमानसिंह कार्कीबिरुद्धको महाअभियोग प्रस्ताव समेत अलपत्र परेको छ ।