फ्रान्स महिला विश्वकप फुटबलको क्वाटरफाइनलमा

७ असार/   फ्रान्स महिला विश्वकप फुटबलको क्वाटरफाइनलमा प्रवेश गरेको छ । गएराति भएको खेलमा दक्षिण कोरियालाई ३–० ले पराजित गर्दै फ्रान्सले अन्तिम ८ मा आफ्नो स्थान पक्का गरेको हो । फ्रान्सले खेलको चौंथो मिनेट मै मेरी लोरे डेलाईको गोल बाट अग्रता लिएको थियो । आठौं मिनेटमा एलेडी थोमेसले गोल गर्दै अग्रता दोब्बर पारीन् । फ्रान्सको दबदबा रहेको खेलमा ४७ औं मिनेटमा डेलाइले व्यक्तिगत दोस्रो गोल गर्दै फ्रान्सलाई ३–० को अग्रता दिलाइन् । त्यसपछि पनि फ्रान्सले गोल गर्ने प्रयत्न भने गरेको थियो  । तर थप गोल भने हुन सकेन् ।  अब फ्रान्सले अन्तिम चार प्रबेशका लागी जर्मनीसँग प्रतिस्पर्धा गर्नेछ । त्यस्तै गएराति नै सम्पन्न खेलमा जित हात पार्दै अस्ट्रेलिया पनि प्रतियोगिताको अन्तिम आठमा प्रवेश गरेको छ उसले ब्राजिललाई एक शुन्यले पराजित गरेको हो । पहिलो हाफ सम्म गोल रहित बराबरी खेलेको ब्राजिलले ८० औं मिनेटमा अस्ट्रेलियाकी साइमनको प्रहारलाई रोक्न नसक्दा पराजय भोग्नु परेको थियो । अब अस्ट्रेलियाले भोलि हुने जापान र नेदरल्याण्डसबीचको खेलको विजेतासँग अन्तिम चार प्रवेशको लागी प्रतिस्पर्धा गर्नेछ ।