प्रियंकाले भनिन काम गर्न नपाउँदा पागल भैसके

नेपाली चलचित्रकी सर्वाधिक व्यस्त एवं चर्चित नायिका हुन् प्रियंका कार्की । बर्षमा दर्जन बढी चलचित्रमा अभिनय मात्र होइन विदेश कार्यक्रम र विज्ञापनमा पनि उनी व्यस्त छिन् । उनै प्रियंका वैशाख १२ पछि पूर्ण रुपमा कामविहिन छन् । चलचित्रको छायांकन मात्र रोकिएको छैन, दैनिकी पनि भत्किएको छ । आफूलाई काम गर्न नपाउँदा छटपटी हुने भन्दै उनले भनिन्-‘अहिले मलाई अरु कुराले भन्दा पनि काम गर्न नपाउँदा दिक्क लागेको छ । काम नहुँदा म पागल जस्तै भैसकेकी छु ।’ नायिका कार्कीले आफूले गर्ने भनेका थुप्रै चलचित्रको काम प्रभावित भएको भन्दै अब विस्तारै सुरु हुने आशा गरिन् । उनले चलचित्र ‘नाई नभन्नु ल ४’मा काम गर्ने पनि पक्का भएको बताइन् । विकास आचार्यले तपाइले काम गरे खेलाउछु भन्नु भएको छ, के तपाई गर्नुहुन्छ भन्ने प्रश्नमा उनले भनिन्-‘मैले नगर्ने भन्ने त हुँदैहुँदैन ।

 अब त विकास दाइको चलचित्रको कथा पनि मलाई हेर्नु पर्दैन ।’ उनी यो चलचित्रमा नायक आर्यन सिग्देलसँग देखिनेछिन् । चलचित्रको छायांकन भदौ १५ गतेबाट सुरु गर्ने तयारी निर्देशक विकास आचार्यको छ । प्रियंका ‘नाई नभन्नु ल २ र ३’मा मुख्य नायिकाको रुपमा थिइन् । ‘भुकम्पअघि थुप्रै चलचित्रका लागि कुरा भैरहेको थियो, तर अहिले ती सबै कामहरु प्रभावित भयो’, उनले भनिन् । भुकम्प आएलगतै च्यारेटी कार्यक्रमका लागि लण्डन पुगेर केही रकम जम्मा गरेको उनले बताइन् । ‘त्यती काम पनि गर्न नपाएको भए सायद अहिलेसम्म म तनावमा हुन्थे होला, तर केही भएपनि काम गर्न पाउँदा खुशी छु’, प्रियंकाले भनिन् ।