महासंघको इतिहासमा पहिलोपटक अध्यक्षका लागिमात्र निर्वाचन हुँदै

१३ असार/  नेपाल उद्योग वाणिज्य महासंघको इतिहासमा पहिलोपटक

अध्यक्षका लागिमात्र निर्वाचन हुँदैछ । असार १८ गते हुने चुनावका लागि उद्योगी व्यवसायीहरुमा चुनावी गरम सुरु भइसकेको छ । अध्यक्षका लागि कार्यबाहक अध्यक्ष पशुपति मुरारका, भाष्करराज राजकणिर्कार र भवानी राणाले मनोनयन दर्ता गराईसेका छन । निर्वाचनको पूर्वसन्ध्यामा पूर्वअध्यक्षहरु भने महासंघमा सर्वसम्मत नेतृत्व चयनका लागि एकजुट भएका छन् । यसको नेतृत्वदायी भूमिका खेलेका छन, पूर्वअध्यक्ष रविभक्त श्रेष्ठले । विगतमा चारतिर फर्किका पूर्वअध्यक्षहरु एकजुट भएर सर्वसम्मत नेतृत्व चयनका लागि जुट्दा बजारमा विभिन्न शंकाउपशंका पनि जन्मिएका छन् । यसले समग्र उद्योगी व्यवसायीमा हलचलसमेत ल्याइदिएको छ । तर सर्वसम्मत चयन हुने सम्भावना भने न्युन रहेको बताइएको छ ।