जापान र क्यामरुन विजयी

२ असार/  क्यानडामा जारी महिला विश्वकप फुटबल प्रतियोगिताको गएराती सम्पन्न खेलमा जापान र क्यामरुन विजयी भएका छन् । समुह सी को खेलमा जापानले इक्वेडरलाई १–० ले पराजित गर्यो । प्रतिस्पर्धात्मक खेलमा पाँचौं मिनेटमा जापानकी ओगीमिले गरेको गोल नै निर्णायक बन्यो ।

जितसँगै जापान समुह सी को शीर्ष स्थानमा उक्लिएको छ । ३ खेलमा ९ अंंक जोडेको जापानले यसअघि क्यामरुन र स्विजरल्याण्डलाई पराजित गरेको थियो । यस्तै गएराती नै सम्पन्न अर्को खेलमा क्यामरुनले स्विजरल्याण्डलाई २–१ ले पराजित गरेको छ ।

क्यामरुनको जितमा दोश्रो हाफको दोश्रो मिनेटमा ओगुने र १७ औं मिनेटमा मानीले गोल गरिन । खेलमा अग्रता भने २४ औ मिनेटमा नोगोरसेरिभको गोल मार्फत स्विजरल्याण्डले लिएको थियो । जितसँगै क्यामरुनले ३ खेलमा ६ अंक जोडेको छ । उ समुह सी को दोश्रो स्थानमा उक्लिएको छ ।