बिहानै भूकम्पको चार पराकम्पन

२ असार/ आज बिहानै भूकम्पको चारवटा पराकम्पन गएका छन् । राष्ट्रिय भूकम्प मापन केन्द्रका बिहान २ घण्टाभित्र भूकम्पको चार वटा पराकम्पन गएको हो । बिहान ८ बजे सिन्धुपाल्चोक र तिब्बत केन्द्रबिन्दु भएर ५ दशलमव १ रेक्टर स्केलको पराकम्पन गएको केन्द्रले जनाएको छ । त्यसअघि सिन्धुपाल्चोक केन्द्रबिन्दु भएर दुईवटा पराकम्पन गएको थियो । बिहान ६ बजेर १४ मिनेटमा ५ दशलमव २ रेक्टर स्केल र ६ बजेर २६ मिनेटमा ४ रेक्टर स्केलको पराकम्पन गएको केन्द्रले जनाएको छ । बिहान ५ बजेर ५८ मिनेटमा काठमाडौं केन्द्रबिन्दु भएर ४ दशलमव ४ रेक्टर स्केलको पराकम्प गएको थियो । योसँगै बैशाख १२ गते बिहान ११ बजेर ५६ मिनेटमा ७ दशमलव ८ रेक्टर स्केलको ठूलो भूकम्पपछि अहिलेसम्म ४ रेक्टर स्केल माथिका ३ सय २० भन्दा धेरै पराकम्पन गैसकेको छ । यसअघि हिजो राती ९ बजेर ५६ मिनेटमा दोलखा केन्द्रबिन्दु भएर ४ दशमलव १ रेक्टर स्केलको पराकम्प गएको थियो । ठूलो भूकम्पपछि साना पराकम्पन आउनु स्वभाविक भएकाले नआत्तिन तर सतर्क भने हुन केन्द्रका प्रमुख लोकविजय अधिकारीले आग्रह गरे ।