२६ असोज,काठमाडौं / प्रधानमन्त्री केपी शर्मा ओलीले राप्रपा नेपालका महामन्त्री चन्द्रबहादुर गुरूङको पार्थिव शरीरमा अन्तिम श्रद्धाञ्जली अर्पण गरेका छन्। श्रद्धाञ्जलीका लागि प्रधानमन्त्री ओली धुम्बाराहीस्थित राप्रपा नेपालको पार्टी कार्यालय पुगेका थिए।राप्रपा नेपालका अध्यक्ष एवं उपप्रधान तथा परराष्ट्र मन्त्री कमल थापाले गुरूङको पार्थिव शरीरमा पार्टीको झण्डा ओढाएर सम्मान गरेका थिए। श्रद्धाञ्जलीका लागि एमाओवादी अध्यक्ष पुष्पकमल दाहाल, नेपाली कांग्रेस उपसभापति रामचन्द्र पौडेल, एमाले वरिष्ठ नेता माधव कुमार नेपाल, सभामुख सुवास नेम्वाङ, पूर्व प्रधानमन्त्री बाबुराम भट्टराइ लगायत नेताहरू र राप्रपा नेपालका नेता कार्यकर्ता पार्टी कार्यालय पुगेका थिए।
राप्रपा नेपालका केन्द्रिय सदस्य राजाराम बर्तौलाका अनुसार आजै गुरूङको पार्थिव शरीर ५ बजे अन्तिम दाहसंस्कारका लागि आर्यघाट लगिने छ।
प्याङ्क्रियाजको क्यान्सरको उपचारको क्रममा अमेरिकामा गुरूङको असोज १६ गते निधन भएको थियो।
No comments:
Post a Comment