४ कार्तिक , २०७३ । प्रमुख प्रतिपक्षी नेकपा एमालेले अख्तियारका निलम्बित प्रमुख लोकमानसिंह कार्की बिरुद्ध संसदमा दर्ता भएको महाअभियोग प्रस्ताव पारित गराउन पहलकदमी लिने निर्णय गरेको छ ।
सो पार्टीको आज बसेको संसदीय दलको बैठकले महाअभियोग प्रस्ताव पारित गराउन अन्य सबै दलसंग छलफल अघि बढाउने निर्णय समेत गरेको छ । बैठकमा पार्टी अध्यक्ष केपी शर्मा ओलीले प्रस्तावलाइ निष्कर्षमा पुरयाउन आआफनो तर्फबाट भुमिका निर्वाह गर्न पार्टीका सांसदलाई निर्देशन दिनुभएको सो पार्टीका प्रमुख सचेतक भानुभक्त ढकालले जानकारी दिनुभयो ।
बैठकमा अध्यक्ष ओलीले नियम र प्रक्रिया विपरित चल्न खोजेकाले हिजो महाअभियोग प्रस्ताव दर्ता गर्नु परेको कारण जानकारी गराउदै त्यसलाई पारित गर्न आआफनो स्थानबाट पहल गर्नुपर्नेमा जोड दिनुभएको थियो । हिजो दर्ता भएको महाअभियोग प्रस्तावमा एमाले वरिष्ठ नेता झलनाथ खनाल, नेता माधवकुमार नेपाल लगायतले हस्ताक्षर गर्नुभएको छ । महाअभियोग प्रस्तावबारे पार्टीमा कुनै मतभेद नरहेको प्रमुख सचेतक ढकालले बताउनुभयो ।
No comments:
Post a Comment