कंग्रेसले १० राज्यमन्त्रीको नाम पठायो

१४ मंसिर ,२०७३,काठमाडौं ।   सत्तासझेदार दल नेपाली कंग्रेसले सरकारमा दश जना राज्यमन्त्रीको नाम सिफारिस गरेको छ ।

पार्टी सभापति शेरबहादुर देउवाले प्रस्ताव गर्नुभएका राज्यमन्त्रीको सूची उपप्रधान तथा गृहमन्त्री बिमलेन्द्र निधी मार्फत आज प्रधानमन्त्री पुष्पकमल दाहाललाई बुझाइएको हो । कंग्रेसले दिर्घसिंह भाटलाई भौतिक पूर्बाधार तथा यातायात, सिताराम मेहतालाई वन तथा भू–संरक्षण, तारामान गूरुङलाई स्वास्थ्य र सुरेन्द्र आचार्यलाई सिँचाई मन्त्रालयमा राज्यमन्त्रीका रुपमा सिफारिस गरेको छ । 

यस्तै सुवर्ण ज्वारचनलाई सहरी विकास, इन्द्र बानियालाई संस्कृति, पर्यटन तथा नागरिक उड्डयन, दिलिप गच्छेदारलाई श्रम तथा रोजगार, दिपक खड्कालाई खानेपानी तथा सरसफाइ, कन्चन बाँदे श्रेष्ठलाई उद्योग र मिठु मल्ललाई बाणिज्य मन्त्रालयमा राज्यमन्त्रीका रुपमा सिफारिस गरिएको छ । सिफारिस गरिएका राज्यमन्त्रीको भोली सपथ ग्रहण हुने बताइएको छ । 

१० जना राज्यमन्त्री थपिएसँगै बर्तमान मन्त्रिपरिषद ४१ सदस्यीय हुने भएको छ । यसअघि माओबादी केन्द्रले ४ जना राज्यमन्त्री थपेको थियो । अन्य दललाई दिने भन्दै ४ वटा मन्त्रालय अझै प्रधानमन्त्रीसँगै राखिएको छ । ति मध्ये खानेपानी तथा सरसफाइ मन्त्रालयमा पनि आज राज्यमन्त्री सिफारिस गरिएको हो ।