राजधानीका ६ स्थानमा निषेधित क्षेत्र घोषणा, निर्वाचन आयोग घेराउ गर्न रोक

काठमाडौं।   स्थानीय प्रशासनले निर्वाचन आयोगसहित राजधानीका ६ स्थान वरपर धर्ना जुलुस गर्न नपाउने गरी निषेधित क्षेत्र घोषणा गरेको छ ।

नयाँ शक्ति पार्टी नेपालसहितका दलले निर्वाचन आयोग घेराउ थालेकै दिन जिल्ला प्रशासन कार्यालय काठमाडौंले निषेधित क्षेत्र घोषणा गरेको हो । अब आयोगको केन्द्रीय कार्यालय बहादुर भवनको उत्तरतर्फ केशरमहल चोक र दक्षिणतर्फ ज्याठागल्ली मोडलाई निषेधित क्षेत्र घोषणा गरिएको छ ।

यस्तै शीतल निवास, प्रधानमन्त्री निवास बालुवाटार, संसद भवन बानेश्वर, सिंहदरबार र उपराष्ट्रपति निवास क्षेत्रमा निषेधित क्षेत्र तोकिएको छ । निषेधित क्षेत्रमा जुलुस, प्रदर्शन, धर्ना, घेराउ जस्ता आन्दोलनका कार्यक्रम गर्न पाइने छैन ।

२० चैत्र, २०७३