भूकम्प प्रभावित १७ जिल्लामा आजदेखी अनुदान वितरण सुरु हुँदै

राष्ट्रिय पुनर्निर्माण प्राधिकरणले भूकम्प प्रभावित थप १७ जिल्लामा निजी आवास पुनर्निर्माणका लागी आजदेखी अनुदान बापतको पहिलो किस्ता वितरण सुरु गर्दैछ ।

लाभग्राही सूचीमा समावेश भएकालाई प्राधिकरणले दिने तीन लाख अनुदानमध्ये पहिलो किस्ता वापतको ५० हजार रुपैयाँ वितरण गर्न लागेको प्राधिकरणले जनाएको छ । प्राधिकरणका प्रमुख कार्यकारी अधिकृत डा. गोविन्दराज पोखरेलले आज कास्कीको लुम्लेबाट अनुदान वितरण शुरु गर्न लाग्नु भएको हो । कास्कीका ३४ गाविस तथा नगरपालिकामा २ हजार २ सय ३८ घरधुरी मध्ये लुम्लेमा १ सय ६२ घरधुरी लाभग्राही सूचिमा समावेश छन् ।

भूकम्म प्रभावित अर्घाखाँची, बाग्लुङ, भोजपुर, धनकुटा, गुल्मी, कास्की गरी अहिले सम्म ५ सय ८६ गाविस तथा नगरपालिकाबाट लाभग्राहीको सूचि प्राप्त भइसकेको छ । बाँकी १ सय ७७ गाविस तथा नगरपालिकाको तथ्याङ्क एकीकृत गर्ने कार्य भइरहेको प्राधिकरणले जनाएको छ । 

२१ चैत्र , २०७३