सदा शिक्षामा ब्रिटिस प्रशिक्षक आउने

दमक।   झापाको दमक ११ मा रहेको सदा शिक्षा निकेतनमा यसै नयाँ शैक्षिक शत्र देखी ब्रिटिस प्रशिक्षक आउने भएका छन् । विद्यालयले आयोजना गरेको बार्षिक परीक्षाफल प्रकाशित कार्यक्रममा सम्बोधन गर्दै विद्यालयका प्रधानाध्यापक सन्तोष दाहालले यस्तो जानकारी दिनु भयो ।

वहाँले आँफ्नो चाहाना विद्यार्थीहरुलाई विश्व स्तरको शिक्षा दिने भएकाले आगामी जेठ महिना देखी दुई जना व्रिटिस प्रशिक्षकले विद्यालयमा प्रशिक्षण दिने बातावरण मिलाएको बताउनु भयो । वहाँले विगतमा पनि विद्यालयले अन्तराष्ट्रिय स्तरको फेन्सी ड्रेस कम्पिटिसन गरेको र त्यसमा विद्यालयका विद्यार्थीहरु उत्कृष्ट भएको जनकारी दिनुभयो । विद्यालयले यसै शैक्षिक शत्र देखी मार्शल आर्ट, गायन, नृत्य लगायत विधाका थप कक्षा समेत सन्चालन गर्ने पनि वहाँले बताउनु भयो ।

कार्यक्रमा विद्यालयले विभिन्न विधामा प्रथम द्धितिय र तृतिय हुने विद्यार्थीका साथै सहभागी सबैलाई मेडल तथा प्रमाणपत्र वितरण समेत गरेको थियो । विद्यालयले स्थापना काल देखीनै सिसि टिभीको माध्यमबाट कक्षा कोठाको निगारी गर्ने पद्यति अपनाएको छ । कार्यक्रममा अभिभावकको तर्फबाट रुद्र खतिवडा र संचारकर्मी उत्तम रिजालले मन्तब्य राख्नु भएको थियो ।

२०७४, बैसाख १