आज चैते दशैं, दुर्गा भवानीको पूजा आराधाना गरी मनाईदै

चैते दशैं पर्व आज दुर्गा भवानीको पूजा आराधाना गरी हिन्दु धर्मावलम्बीले मनाउँदैछन् । चैत र असोजमा गरी वर्षमा दुईपटक गरिने दुर्गा पूजाको विशेष महत्व रहेको शास्त्रा उल्लेख छ । अशोजमा मनाईने वडा दशैँ भन्दा कम महत्वको मानिएपनि चैते दशैंको दिन पनि देवीको मन्दिरमा बलि दिने र पुजा आरधना गर्ने गरिन्छ ।

 

आज दिन काठमाडौंका दक्षिणकाली, शोभा भगवती, गुह्येश्वरी, नक्शाल भगवती, संकटा, कालिकास्थान लगायतका शक्तिपिठमा दर्शनार्थीको घुईचो लागेको छ । दानवीय शक्तिमाथि दैवी शक्तिको विजय उत्सवका रुपमा मनाईने चैते दशैंमा विभिन्न शक्तिपिठहरुमा पशुवली दिने गरिन्छ ।

 

आजकै दिन मर्यादा पुरुषोत्तम श्रीरामले १४ वर्ष वनवास सकाएर आयोध्या फर्किएको धार्मिक बिश्वास छ । रावणको दानवीय व्यवहारबाट संसारलाई जोगाउन भगवान रामले रावणको बध गरेको विश्वास गरिन्छ । रावणमाथि विजय प्राप्त गरेको सम्झनामा समेत चैते दशैं मनाउने परम्परा छ ।

 

२२ चैत्र, २०७३