पेट्रोलियम पदार्थ लिन सत्ताइस ट्याङ्कर केरुङमा

२२ कार्तिक / चिनियाँ अनुदानको पेट्रोलियम पदार्थ लिन पुगेको थप नेपाली ट्याङ्कर आज फर्किदैछन् । हिजो तिब्बतको केरुङ पुगेका ट्याङकर आज तेल भरेर फर्किने आयल निगमले जनाएको छ । नेपाल आयल निगमका २७ वटा ट्याङकर तेल लिन गएका छन् । केरुङ गएका ३४ खाली ट्याङ्करमध्ये सातवटाले पेट्रोलियम पदार्थ बोकी हिजो काठमाण्डु आएको र आज बाँकी ट्याङ्कर पेट्रोलियम पदार्थ भरेर आउने नेपाल आयलन निगमका प्रवक्ता मुकुन्द घिमिरेले जानकारी दिनुभयो । भारतीय नाकाबाट भने तेल आउने क्रम अवरुद्ध भएको छ । भारतले गप कडाई गरेपनि केहीदिन यता मालवाह गाडी मात्रै केही रुपमा आएका छन् ।