साउन मसान्तभित्र नयाँ संविधान जारी हुने नेम्बाङको दावी

२३ साउन, काठमाडौ/   संविधानसभा अध्यक्ष सुवासचन्द्र नेम्बाङले यही साउन मसान्तभित्र

नयाँ संविधान जारी हुने बताएका छन् । प्रदेशको सिमाकंन लगायतका कतिपय विषयमा अझै सहमति नभएका बेला नेम्वाङले त्यस्तो दावी गरेका छन् ।

'संविधानको मस्यौदालाई लिएर सर्वोच्च अदालतदेखि अल्पसंख्यक राउटे समुदायसम्म पुगेका छौं,' अग्रगामी संविधान जारी हुने उल्लेख गर्दै सभाध्यक्ष नेम्बाङले भने, 'अबिले आएको प्रारम्भिक मस्यौमात्र हो । यसमा जनताको रायसहित परिमार्ज भएर यही साउन मसान्तभित्र संविधान जारी गर्न निरन्तर लागीरहेका छौं ।'

नेपाल आदिवासी जनजाति पत्रकार महासंघ (फोनिज)ले आयोजना गरेको 'आदिवासी जनजाति राष्ट्रिय पत्रकारिता पुरस्कार-२०७२' (आइभिए अवार्ड) प्रदान गर्दै सभामुख नेम्बाङले उक्त विचार व्यक्त गरेका हुन् । 'उतिखेर केही व्यक्तिले हाताहाती चाहिन्छ भनेपछि दलहरु एकजुट हुनसकेनन् तर अहिले प्रमुख दलहरु एकमत छन्,' गएको संविधानसभाको अन्तिम क्षणमा जस्तो दलहरु तितरवितर नरहेको उल्लेख गर्दै उनले भने, 'अहिलेसम्मको उपलब्धीलाई बेवास्ता गर्दै पल्लो हाँगाको चरा समात्छु भन्दा हातमा भएको चरासमेत गुम्नसक्छ । त्यसैले दलका नेताज्यूहरुलाई अवसर गुम्न नदिन पटकपटक ध्यानाकर्षण गराएको छु ।' नेम्बाङले संविधानमा 'पूर्ण प्रेस स्वतन्त्रता' उल्लेख हुने बताएका छन् ।