चित्रबहादुरले भने संघीयताले देखायो रमिता

भदौ ९ /  संविधानको अन्तिम विधेयमाथिको सैद्धान्तिमक छलफलमा भाग लिँदै राष्ट्रिय जनमोर्चाका अध्यक्ष  चित्रबहादुर केसीले संघीयताले रमिता देखाएको बताएका छन् । केसीले संघीयताप्रति व्यंग गर्दै गीत नै गाएका छन्। आज विहान ८ बजेदेखि सुरु भएको छलफलमा भाग लिँदै अध्यक्ष केसीले सघीयता मुलुकका लागि गलपासो भएको टिप्पणी समेत गरे । अहिले मुलुकका लागि संघीयता गलपासो भएको छ, केसीले भने,हुन त यो संघीयता तपाइहरुले आफ्नो रहरले बोक्नु भएको होइन्। तपाइहरुलाई तराइका जनताको मुक्तिको नाममा संघीयताको गलपासो भिराइयो । उनले ०६२/६३ को आन्दोलनमा जनताले संघीयताको कुरै नगरेको प्रसंग उल्लेख गर्दै अरुले भिराएको भारी अहिले गलपासो भएको टिप्पणी गरे । चौतारीमा बर होइन स्वामी छ, संघीयताले देखायो रमिता,केसीले भने,काँचो सुन्तला नखाँदै  यो चाला, खाँदा कुन चाला ।  संघीयताको भारी अरुले नै बोकाएको भन्दै त्यसमा नेताहरु फसेको बताए । तपाइहरुले त्यो भारी नबेको चुनाव हार्ने डर थियो, उनले भने,भारी त बोक्नु भयो तर आज त्यो गलपासो भएको छ ।