कालिकोटको नरहरिनाथ गाउपालिका अन्र्तगत पर्ने माल्कोटको नन्दादेवी मावि मतदान केन्द्रमा आइतवार बेलुकी विप्लव नेतृत्वको नेपाल कम्युनिष्ट पार्टीका कार्यकताले निर्वाचन टोलीमाथि ढुंगामुडा गरी मत पेटिका खोसेर जलाइ दिएका छन् ।
८ सय ७९ मतदाता रहेको माल्कोटमा दिउसो १२ बजेसम्म ५ सय ५० मत खसे पनि त्यसपछि मतदान गर्न कोही नआएको र बेलुकी ५ बजे मतदान केन्द्र बन्द गरेर गाउपालिकाको केन्द्र कुमालगाउ तर्फ आउने बेला विप्लव कार्यकताले ढुंगामुढा गरी मतपेटिका खोसेर जलाएका हुन् ।
प्रहरीले हवाइ फायरिग गरे पनि निर्वाचन टोलीलाई घेराउ गरी मतपेटिका नियन्त्रणमा लिएर जलाएको प्रजिअ गिरीधारी सुवेदीले बताए । ‘मतपेटिका खोसेर जलाएका हुन् ।’ प्रजिअ सुवेदीले भने ‘निर्वाचन टोलीलाई रेस्क्यु गरेर कुमाल गाउ तर्फ ल्याएदैछ ।’ उनकाअनुसार ४ स्थानीय र दुई प्रहरी घाइते भएका छन् । संचार सम्पर्क गर्न नसकिएकोले घाइतेको नाम खुल्न नसकेको प्रजिअ सुवेदीले बताए ।
विप्लव समुहका कार्यक्रताले ढुंगामुढा गरेपछि प्रहरीले दुई राउड हवाई फाएर गरेको थियो । दोहोरो झडपमा परि प्रहरी तर्फ २ र बिप्लप समुहका ४ गरी जम्मा ६ जना घाईते भएका छन् । बिप्लप समुहले मतदान अधिकृत सहित मतदान कार्यका लागि घटीएको टोलीलाइ बिद्यालयमा घेरा बन्दी गरेका थिए । प्रहरीले घेरा तोड्न गोली चलाउन खोज्दा राइफल नपड्केको र बिप्लप माओवादीले मसाल जुलुस सहित मतपेटीका कब्जागरी लगेको एक स्थानीयले नाम उल्लेख नगर्ने शर्तमा बताए ।
प्रहरीकाअनुसार सुरक्षा अति संवेदनशील मानिएको माल्कोटमा मतदान सकेर फकिर्ने क्रममा विप्लव नेतृत्वको नेपाल कम्युनिष्ट पार्टीका कार्यकताले सुरक्षाकर्मी माथि आक्रमण गरेका थिए । प्रहरीले सुरुमा हवाइ फायरिंग गरे पनि पछि बन्दुक नपडकिएको भन्ने जानकारी आउको छ । यसबारे कालिकोटका प्रहरी प्रमुख डिएसपी योगेन्द्रकुमार खड्कासग सम्पर्क गर्न खोज्दा मोवाइन विजी मोडमा राखेकाले सम्पर्क हुन सकेन ।
विप्लव नेतृत्वको नेपाल कम्युनिष्ट पाटीको प्रभाव क्षेत्र मानिएको माल्कोटमा सुरक्षा ब्यवस्था कडा पारिएको स्थानीय प्रशासनको दावी भए पनि मतपेटिका खोसेर जलाउदासम्म नेपाली सेना, सशस्त्र कता थिए भन्ने पनि एकिन भएको छैन । प्रजिअ सुवेदीले गोली नेपाल आर्मीले नै चलाएको दावी गरे । ‘म अहिले टेन्सनमा छु ।’ प्रजिअ सुवेदीले भने नेपाल आर्मी र विप्लव माओवादी बीच गोली चलेको हो, क्षतिबारे जानकारी प्राप्त भएको छैन ।
वैशाख ३१, २०७४
