हिमाली जिल्ला मनाङको नेस्याङ गाउँपालिकामा पनि एमालेकै उम्मेदवार प्रमुखमा विजयी भएका छन् । नेस्याङ गाउँपालिकाको उपप्रमुखमा पनि एमालेकै उम्मेदवार विजयी भएका छन् ।
नेस्याङ गाउँपालिकाका निर्वाचन अधिकृत उद्बीर नेपालीका अनुसार कान्छा घले ६२७ मत प्राप्त गरी बिजयी भएका छन् । उनका प्रतिद्धन्द्धी कांग्रेसका बिनोद गुरुङले ४६१ मत प्राप्त गरेका छन् । यस्तै, उपप्रमुखमा एमालेकी मिङ्खु गुरुङले ६११ मत प्राप्त गरी विजयी भएका छन् ।
उनका प्रतिद्धन्द्धी कांग्रेसकी छिरिङ ओङ्मा गुरुङले ५०५ मत प्राप्त गरेका नेपालीले बताए । यस्तै, वडा नं। १ बाट वडाअध्यक्षमा एमालेकै भुजुङ गुरुङ, २ मा कृष्णबहदुर बस्नेत, ४ मा कर्मटसी घले र ८ मा टसी फुन्जो गुरुङ निर्वाचित भएका छन् ।
वडा नं। ५ बाट कांग्रेसका कर्मछिरिङ गुरुङ र ६ बाट राप्रपाका सोनाम गुरुङ निर्वाचित भएका छन् । नेस्याङमा कूल मतदाता २८२५ रहेकोमा ११८४ मत खसेको थियो । वडा नं। ३, ७ र ९ मा भने यसअघि नै निर्विरोध भइसकेका छन् ।
जेष्ठ १, २०७४
No comments:
Post a Comment