मुस्ताङमा स्थानीय तह निर्वाचनको मतगणना आज बिहानैदेखि भइरहेको छ । ५ वटै गाउँपालिकामा धमाधम गणना कार्य चलिरहेको प्रमुख निर्बाचन अधिकृत बलराम त्रिपाठीले जानकारी दिनुभयो ।
पछिल्लो मत परिणाम अनुसार, काग्रेसबाट बागी उम्मेदवार बनेकाहरु आधिकारिक कांग्रेस उम्मेदवारलाइ उछिनेका छन् । कांग्रेसलाइ आफ्नै बागी उम्मेदवारका कारण मत परिणाममा असर पर्ने धेरैको अनुमान छ । स्वतन्त्र भनिएका उम्मेदवार कांग्रेसका बागी हुन् ।
कांग्रेसको मत बिभाजनका कारण यहांका केहि गाउँपालिका वडामा एमाले बिजयी भएको छ । बाह्गाउँ मुक्तिक्षेत्रको ५ नं वडाका अध्यक्ष सहित ४ जना सदस्य एमाले बिजयी भएको निर्बाचन अधिकृत बन्धु बांस्तोलाले बताउनुभयो ।
२ बजेसम्मको मतपरिणाम अनुसार, ५ गाउँपालिका मध्ये तिनवटामा एमालेका अध्यक्षले अग्रता लिएका छन् । थासाङ गाउँपालिकामा एमाले, घरपझोङमा एमाले, बाह्गाउँ मुक्तिक्षेत्रमा एमाले, दालोमे गाउँपालिकामा स्वतन्त्र र लोमान्थाङ गाउँपालिकामा एमाले अगाडी देखिएको छ ।
जेष्ठ १, २०७४
No comments:
Post a Comment