प्रधानमन्त्रीको म्युजिकल चियरमा रुमल्लिएर देश बन्दैन् – नेपाल

८ श्रावण,२०७३, काठमाडौं /  नेकपा एमाले नेता तथा पूर्वप्रधामन्त्री माधव नेपालले सँधै प्रधानमन्त्रीको म्युजिकल चियरमा रुमल्लिएर देश नबन्ने बताएका छन्। 

संसदमा सरकारको अविस्वासको प्रस्तावको छलफलमा भाग लिँदै नेता नेपालले नेपाली नेता तथा दलमा समग्र राष्ट्रलाई कसरी अगाडि लाने भन्दा पनि आफ्नो दलगत तथा व्यक्तिगत स्वार्थबाट अगाडि बढ्न नसकेको बताए। उनले भने, ‘संविधानसभाका उपलब्धिलाई समाप्त पार्दै देशमा एक जटिल अवस्थामा लाने खेल भैरहेको छ। २०७४ माघ ७ सम्ममा संविधानलाई कार्यान्वयन नगर्ने षड्यन्त्र भैरहेको छ। देशलाई आर्थिक गती दिन र संविधान  कार्यान्वयनकालागि सबैमा आपसी सहमतिको खाँचो रहेको छ।’

उनले माओवादी केन्द्रले सरकारलाई दिएको समर्थन फिर्ता लिने निर्णय हतास र दुर्भाग्यपूर्ण भएको बताए। उनले अरुलाई आरोप प्रत्यारोप लगानु भन्दा पनि सबैले आफ्नो  कमी कमजोरीको आत्म समिक्षा गर्न जरुरी रहेको बताए। उनले भने, ‘अहिलेको सरकारले केही गरेन भन्नु भन्दा पनि सरकारमा रहेर पनि हामीले केही गर्न सकेनौं भनेर आत्म समिक्षा गर्नुपर्छ। बजेट ,सरकारको नीति तथा कार्यक्रम देशको हितमा भएपनि दलगत स्वार्थका कारण असफल बनाइएको छ।’

उनले अविस्वासको प्रस्ताव आश्रित विधेयक पछिपनि ल्याउन सक्ने भन्दै माओवादीले गल्ती गरेको आरोप लगाए। उनले राजनीतिक अस्थिरता भएपनि विकासका योजना तथा परराष्ट्र नीतिमा सबै दलको एक धारणा हुनुपर्ने बताए। नेपालले राम्रो कामको सकारात्मक समिक्षा गर्नु पर्ने र गलत कुरालाई आलोचना गर्न सक्नु पर्ने बताए।

जर्मनीको म्युनिखमा अन्धाधुन्ध गोली प्रहार ९ जनाको मृत्यु

८ श्रावण, २०७३ /  जर्मनीको बभेरिया राज्यस्थित म्युनिख शहरमा अन्धाधुन्ध गोली प्रहारबाट ९ जनाको मृत्यु भएको छ । २० जना घाइते भएका छन् ।

स्थानीय समय अनुसार शुक्रबार साँझ ६ बजेतिर ओलम्पिया शपिङ सेन्टरननजिकै १८ बर्षीय इरानी मूलका एक किशोरले अन्धाधुन्ध गोली प्रहार गरेको त्यहाँको प्रहरीले जनाएको छ । घटनापछि  एक हमलाकारीले आफूलाई समेत  गोली हानेको स्थानीय प्रहरीलाई उद्धृत गर्दै अन्तराष्ट्रिय सञ्चारमाध्यमले जनाएका छन् । घटनालगत्तै गम्भीर आतंककारी परिस्थिति भन्दै संकटकाल घोषणा गरिएको छ । 

सर्वसाधारणलाई घरभित्रै बस्न र सार्वजनिक स्थानमा नजान अपिल जारी गरिएको छ । सो क्षेत्रमा हाल उच्च सुरक्षा सर्तकता अपनाएको छ । घटनापछि जर्मन चान्सलर एङ्गेला मर्कलले सुरक्षा परिषद्को आपतकालिन बैठक आव्हान गर्नुभएको छ ।

संसद बैठकमा प्रधानमन्त्रीको अविश्वासको प्रस्तावमाथि छलफल जारी

८ श्रावण , २०७३ /   बिहान ११ बजे सुरु भएको संसद बैठकमा प्रधानमन्त्रीको अविश्वासको प्रस्तावमाथि छलफल जारी रहेको छ । शुक्रबार बेलुकादेखि सुरु भएको छलफल शनिबार पनि जारी छ । 

बैठकको सुरुमा नेपाली कांग्रेसका सांसद रमेश लेखकले बोलेका थिए । त्यसपछि एमाले नेता माधव नेपाल र माओवादी सांसद हरीबोल गजुरेल बोलेका थिए । अन्य सांसदहरुले बोल्ने क्रम जारी छ । प्रस्ताव माथिको छलफल भोली सकिने र त्यसपछि मतदान हुने छ ।

बजेट अाश्रित विधेयकहरू पारित हुन सकेनन्, सरकार अल्पमतमा

७ श्रावण,२०७३,काठमाडौं / आर्थिक वर्ष २०७३/०७४ बजेट संसदबाट अस्वीकृत भएको छ। एमाओवादी केन्द्र बजेटविरुद्ध उभिँदा आर्थिक विधेयक, राष्ट्रऋण उठाउने विधेयक, ऋण तथा जमानत (२१ औं संशोधन) विधेयक संसदबाट पारित हुन नसकेका हुन्।

आज संसदमा भएको मतदानमा ध्वनि मतबाट बजेट आश्रित विधेयकहरु अस्वीकृत भएका हुन्। आर्थिक विधेयक असफल हुँदा सरकार स्वतः अल्पमतमा परेको छ।

नेपाली कांग्रेस, सरकार छोडेको माओवादी तथा मधेसी दलले विधेयकहरुका विरुद्धमा मतदान गरेका छन्।

 

शुक्रबार संसदमा भएको मतदानमा ध्वनि मतबाट बजेट आश्रित विधेयकहरु अस्वीकृत भएका हुन्। आर्थिक विधेयक असफल हुँदा सरकार स्वतः अल्पमतमा परेको छ।

मतदान अघि माओवादी केन्द्रका नेता कृष्णबहादुर महराले आर्थिक विधेयकको औचित्य नभएको बताएका थिए। माओवादीले सरकारलाई दिएको समर्थन फिर्ता लिइसकेकाले विधेयकको औचित्य नभएको उनले दाबी गरेका थिए।

माओवादीले उठाएका प्रश्नको जवाफमा अर्थमन्त्री विष्णु पौडेलले प्रश्न सोधका थिए, ‘पहिला मन्त्रिपरिषदबाट स्वीकृत गर्दा केही भएन। अहिले कसरी खिचडी भयो?’ महराले आर्थिक विधेयक एकातिकार र पुँजिवादको खिचडी भएको टिप्पणी गरेका थिए।

कांग्रेस, माओवादीले सरकारविरुद्ध संसदमा दर्ता गराएको अविश्वास प्रस्तावमा छलफल हुनुअघि बजेटसँग सम्बन्धित विधेयकहरु संसदमा पेश भएका थिए। एमाले आर्थिक विधेयकमाथि पहिला छलफल गर्ने सर्तमा संसद बैठक सञ्चालन गर्न दिन सहमत भएको थियो।

अर्थमन्त्रीले जेठ १५ गते संसदमा बजेट पेस गरेका थिए।गत असार २५ गते बसेको संसद बैठकले अर्थमन्त्री विष्णुप्रसाद पौडेलले पेस गरेको विनियोजन विधेयक २०७३ पारित गरे पनि अर्थसम्बन्धी अन्य तीन विधेयक पारित हुन बाँकी रहेका थिए। बजेटकाे एउटा विधेयक पारित भएकाे अवस्थामा असार २९ का लागि बाेलाइएकाे संसद बैठक सभामुखले पछि सारेकी थिइन्।

विगतमा असार मसान्तमा बजेट आउने र बजेट पारित गर्न समय लाग्ने हुँदा खर्च तथा पेस्की विधयेक पनि ल्याउने चलन थियो। नयाँ संविधानले जेठ १५ गतेलाई बजेट ल्याउने दिन तोकेपछि असार अन्तिममा बजेट पेस गर्ने र नयाँ आर्थिक वर्ष लागेपछि पेस्की विधेयकबाट खर्च गर्ने परम्परा हट्ने अनुमान गरिएकाे थियाे।

नयाँ संविधानअनुसार अर्थमन्त्री विष्णुप्रसाद पौडेलले जेठ १५ गते आर्थिक वर्ष २०७३/०७४ का लागि १० खर्ब ४८ अर्ब रुपैयाँको बजेट पेस गरेका थिए। समयमै बजेट आएकाले अर्थतन्त्रमा यसको सकारात्मक असर पर्ने आस गरिएको वर्ष फेरि बद्लिँदो राजनीतिक घटनाक्रमले आर्थिक वर्षको सुरुमै बजेट कार्यान्वयनमै शंका सुरु भएको छ।

इब्राहिमोभिक ९ नम्बर जर्सीमा देखिने

 ७ श्रावण,  २०७३  /   स्वीडेनका चर्चित स्ट्राइकर जाल्टन इब्राहिमोभिक म्यानचेष्टर युनाइटेडको ९ नम्बर जर्सीमा देखा पर्ने भएका छन्। जाल्टन यही जुलाईमा साताको दुई लाख स्टर्लिङ पाउन्ड पारिश्रमिक पाउने सर्तमा एक वर्षको लागि अनुबन्धित भएका थिए। 

३४ वर्षीय यी अनुभवी स्ट्राइकरलाई गत सिजन फ्रान्सका एन्थोनी मार्सेलले पहिरेको जर्सी प्रदान गरिएको हो। एन्थोनीलाई क्लबका स्टार खेलाडी रायन गिग्सले लगाउँदै आइरहेको ११ नम्बरको जर्सी प्रदान गरिएको छ। गत सिजन त्यो जर्सी अदनान जानुजाजले लगाउने गर्थे। यसपालि अदनानलाई १५ नम्बरको जर्सी प्रदान गरिएको छ। डच मेम्फिस डिपेमाथि ठूलो भरोस देखाएका प्रशिक्षक जोजे माउरिन्होले ७ नम्बरको चर्चित जर्सी उनैको साथ राख्ने निर्णय गरेका छन्।

यस्तै, क्लबमा नयाँ अनुबन्धित आइभोरी कोष्टका डिफेन्डर इरिक बेलीलाई ३ र आर्मेनियाका आक्रामक मिडफिल्डर हेनरिक्स मक्सिटार्यानलाई २२ नम्बरको जर्सी प्रदान गरिएको छ। बाहिरी क्लबबाट आउन सक्ने सम्भावित खेलाडीका कारण जर्सी नम्बर २ र ६ को विषयमा अहिले निर्णय गरिएको छैन। म्यानचेष्टरले युभेन्ट्सका पाउल पोग्बाको अनुबन्धलाई लिएर अझै आशा छोडेको छैन।

अर्थमन्त्रीको माओवादीलाई प्रश्न 'अस्ती समर्थन गरिएको विषय आज बिरोधको लायक कसरी भयो ?'

७ श्रावण , २०७३ /  अर्थमन्त्री विष्णु पौडेलले आर्थिक विधेयकको पक्षमा रहेका दल र सांसदहरु अहिले त्यसको बिरोधमा उभिनु आश्चर्यको विषय भएको बताएका छन् । 

आर्थिक विधेयकमाथिको छलफलमा उठेका प्रश्नको जवाफ दिदैं पौडेलले माओवादी केन्द्रप्रति लक्षित गर्दै त्यसो भनेका हुन् । उनले भने बिरोध वा समर्थन अन्तरवस्तुका आधारमा हुन्छ । अस्ती समर्थन गरेको विधेयक आज कसरी बिरोध गर्ने लायक बन्न पुग्या  राजनीतिक समिकरण बदलिनसक्छ तर विधेयकका विषय त बदलिएको छैन नि।

संसद बैठक जारी, आर्थिक बिधेयकमा छलफल हुँदै

७ श्रावण , २०७३ /  सत्तापक्ष र प्रतिपक्षबीच संसदको कार्यसचूीका विषयमा सहमति जुटेपछि व्यवस्थापिका संसदको बैठक जारी ।

स‌ंसदको लेखा समितिका अध्यक्ष जनार्दन शर्मा समितिको प्रतिवेदन पेश । 

आर्थिक विधेयक  पेश ,छलफल जारी

कांग्रेस नेता प्रकाश शरण महत  र माओवादी नेता कृष्ण बहादुर महराद्धारा विधेयकको चर्को विरोध । 

आर्थिक विधेयकमा मतदानको तयारी, अविश्वासको प्रस्ताव पेश हुने

आर्थिक विधेयक फेलु गराउने विपक्षी रणनीति