राष्ट्रिय जनमोर्चाका अध्यक्ष चित्रवहादुर केसीले मुलुक बिभाजन गरेर तराइको भु–भाग भारतमा मिलाउने षडयन्त्र भइरहेको दावी गर्नुभएको छ । सोहि प्रयोजनका लागि संघियताको अवधारणा ल्याइएको जिकिर गर्दै अध्यक्ष केसीले पछिल्लो पटकको संविधान संशोधन विधेयकपनि त्यसकै निरन्तरता भएको दावी गर्नुभयो ।
उहाँले संघियता सबैका लागी घांडो भएको तर्क गर्दै निर्णय पुर्नविचार गर्नुपर्ने बताउनुभयो । पृथ्वीनारायण शाहको नेपाल एकिकरणमा रहेको योगदानको उच्च मुल्याङ्कन गर्नुपर्ने भन्दै उहाँले पृथ्वी जयन्तीका अवसरमा सरकारले सार्वजनिक विदा नदिएकोमा असन्तुष्टि जनाउनुभयो । जिसस क्राइस्टको जन्मदिनमा विदा दिने तर राष्ट्र निर्माताको जन्मजयन्तीमा नदिने प्रवृत्ति गलत भएको भन्दै उहाँले आगामी दिनमा सच्चाएर अघि बढनुपर्ने बताउनुभयो । पृथ्वीनारायणलाई देखाएर उनका सन्ततीले मुलुकमा शासन गर्न नपाउने भन्दै अध्यक्ष केसीले दलहरुको असफलताका कारण प्रतिगामी शक्तिलाई फाइदा पुगिरहेको टिप्पणी गर्नुभयो ।
पुस २७, २०७३
