राष्ट्रिय प्रतियोगिताका लागि बुद्धिचालका खेलाडी छनौट शुरु

उत्तम रिजाल, 

२६ मंसिर, फिदिम/  सातौ राष्ट्रिय खेलकुद प्रतियोगिताका लागि बुद्धिचालका खेलाडी छनोट शुरु भएको छ । पाँचथरको फिदिममा शुरु भएको छनोट प्रतियोगितामा पहिलो राउण्डमा २० खेलाडी विजयी भएका छन् ।

जसमा महिला तर्पm सात खेलाडी विजयी भएका छन् । महिलातर्फ झापा र मोरङ्गका खेलाडीले सत प्रतिशत नतिजा निकालेका छन् । महिलातर्फकी टप रेटेड मोरङ्गकी खुसी मुखिया सँगै आस्मा थापा र ममता सहनीले जित हात पारे । झापाकी पुनम प्रसाई,खुस्बु थापा र कृपा अधिकारी विजयी हुदा ताप्लेजुङ्गकी शुशिला गुरुङ्गले पनि जित दर्ता गरिन् । 

उता पुरुष तर्फ भने पहिलो बोर्डमा अप्रत्यासित नतिजा निकाली उदयपुरका अन रेटेड महेशकुमार बस्नेतले शनशनी मच्चाए । उनले पुरुषतर्फका टप रेटेड  १९४७ रेटेड सप्तरीका सिंहेश्वर दासलाई चित ख्वाएका हुन् । अन्यखेलमा झापाका प्रकाश नेपाल र राजन सुवेदी, मोरङ्गका राजकुमार वान्तवा, इलामका सुरेन्द्र कुमार राई र याम प्रसाद लिम्बु,पाँचथरका रमेश केरुङ्ग र एलिन राई , धनकुटाका सुमन श्रेष्ठ,शुनसरीका राजनकुमार पोख्रेल र प्रज्वल घिमिरे र उदयपुरका पर्शुराम राई विजयी भएका छन् । आज थप दुई राउण्ड खेल हुने चिफ आरविटर विजय कुमार थापाले जानकारी दिनु भयो । छनोटमा पुर्वाञ्चलका १६ जिल्लाका ४४ खेलाडीको सहभागिता रहेको छ ।

पुरानै संरचनामा भएपनि निर्वाचन हुन्छ - दाहाल

काठमाडौं, २३ मंसिर , २०७३ ।   प्रधानमन्त्री पुष्पकमल दाहालले संबिधान संशोधन नभए पुरानै संरचनामा स्थानीय निर्वाचन हुने भन्दै त्यसको तयारीमा जुट्न कार्यकर्तालाइ निर्देशन दिनुभएको छ ।

माओवादी केन्द्रको सात नम्वर प्रदेशका अगुवा कार्यकर्ताको भेलालाई धनगढीमा आज सम्बोधन गर्दै प्रधानमन्त्री दाहालले पुरानै संरचनामा भएपनि निर्वाचन हुने बताउनुभएको हो । प्रधानमन्त्री दाहालले भन्नुभयो, ‘सवै कुरा छोडेर स्थानीय निर्वाचनको तयारीमा लाग्नुस्, सकभर नयाँ संरचना अनुसार हुन्छ त्यो सम्भव नभए पुरानै संरचना अनुसार पनि निर्वाचन हुन्छ ।’ गणतन्त्र संस्थागत गर्न र संबिधान कार्यान्वयनका लागि निर्वाचन अपरिहार्य भएको भन्दै उहाँले सरकार जुनसुकै हालतमा पनि निर्वाचन गराउन कटीवद्ध रहेको उल्लेख गर्नुभयो । प्रधानमन्त्री दाहालले संबिधान संशोधन प्रस्ताव फिर्ता नहुने समेत दोहोर्‍याउनुभएको छ । 

यसैबीच, प्रधानमन्त्रीको भ्रमण विरोध गर्ने आफ्ना कार्यकर्तामाथि दमन गरेको भन्दै एमालेले आज कैलाली बन्दको आव्हान गरेको थियो । हिजो प्रहरीले प्रधानमन्त्रीको कार्यक्रममा अवरोध गर्न खोजेको भन्दै एमालेका ३९ जना कार्यकर्तालाई नियन्त्रणमा लिएर छाडेको थियो । संविधान संशोधन प्रस्तावमार्फत पाँच नम्बर प्रदेश अलग्याउन खोजिएको भन्दै एमाले लगायतका राजनीतिक दलका स्थानीय नेताले जिल्लामा बिरोध प्रदर्शन गर्दै आएका छन् ।

शान्ति स्थापनाका लागि सहयोग गर्न एमालेलाई देउवाको आग्रह

काठमाडौं, मंसिर २३, २०७३ ।  कंग्रेस सभापति शेरबहादुर देउवाले स्थानीय निकायको निर्वाचन भएमात्रै संविधान कार्यान्वयन हुने बताउनु भएको छ । 

कंग्रेस नेता गुरुराज घिमिरेद्धारा लिखित प्रतिज्ञाको पहाड कविता संग्रह ललितपुरको पुल्चोकस्थित साझा प्रकाशनमा आज लोकार्पण गर्दै सभापति देउवाले स्थानीय निकायको निर्वाचन गराउन आफुहरु लागि परेको बताउनुभयो । पूर्व प्रधानमन्त्री देउवाले स्थायी शान्तिका लागि सहयोग गर्न प्रतिपक्षी एमालेलाई आग्रह गर्नुभयो । हिमाल, पहाड र तराईका जनता बिच सुमधुर सम्बन्ध बनाउन सबै राजनीतिक दल एकजुट हुनेपर्ने उहाँको भनाइ थियो । 

फरक प्रसङ्गमा देउवाले साझा प्रकाशनलाई लिलामीबाट बचाउन आफुले सक्दो प्रयास गर्ने आश्वासन दिनुभयो । कार्यक्रममा साझा प्रकाशनका अध्यक्ष एवम् महाप्रबन्धक डोलेन्द्र प्रसाद शर्माले संस्थालाइ धरासायी हुनबाट बचाउन राजनीतिक दललाइ आग्रह गर्नु भयो । शर्माले बैंकबाट दिनहुँजसो लिलामीको सूचना निकाल्ने भन्दै आफुलाइ फोन आउने गरेको गुनासो गर्दै २० करोड रुपैयाँ दिने  प्रधानमन्त्रीको आश्वासन छिटो कार्यान्वयन गर्न आग्रह समेत गर्नुभएको थियो । 

नयाँ शक्तिका संयोजक भट्टराईमाथि जुत्ता प्रहार

पोखरा, २३ मंसिर , २०७३ ।   नयाँ शक्ति पार्टीका संयोजक बाबुराम भट्टराईमाथि पोखरामा दुब्र्यवहार भएको छ । घटनामा संलग्न रहेको भन्दै प्रहरीले पृथ्वीनारायण क्याम्पसमा स्नातकोत्तर दोस्रो बर्षमा अध्ययनरत संजिव भट्टराईलाई नियन्त्रणमा लिएको छ ।

पार्टी निकट विद्यार्थी संगठनले क्याम्पसहाता भित्र आज बिहान आयोजना गरेको कार्यक्रममा प्रमुख अतिथि बनेका पूर्वप्रधानमन्त्री भट्टराईलाई लक्षित गरी संजिवले जुत्ता प्रहार गरेको प्रहरीले जनाएको छ । कालो झण्डा देखाउदै बाबुरामबिरुद्ध नारावाजी गरेका उनलाई इलाका प्रहरी कार्यालय बगरले तत्काल नियन्त्रणमा लिई हिरासतमा राखेको प्रहरी निरीक्षक किशोर लम्सालले जानकारी दिनुभयो ।  घटनापछि केहीबेर बिथोलिएको स्वागत कार्यक्रम पुन सञ्चालन भएको थियो । 

संसद बैठक तत्काल सञ्चलन नहुने संकेत

२३ मंसिर , २०७३ । एक सातायता अवरुद्ध रहेको संसद बैठक तत्कालन नखुल्ने संकेत देखिएको छ । सरकारले प्रदेशको सीमांकन हेरफेर सहित संविधान संशोधन प्रस्ताव दर्ता गरेपछि प्रमुख प्रतिपक्षी एमाले सहित चार दलले संसद बैठक अवरुद गर्दै आएका छन ।

संशोधन प्रस्ताव फिर्ता हुनु पर्ने प्रतिपक्षी एमालेको अडान र सदनमा छलफल गर्न पाउनुपर्ने सत्तासाझेदार दलको मागका बीच गतिरोध लम्बिदै गएको छ । अहिलेसम्म चारपटकसम्म संसद बैठक अवरुद्ध भइसकेको छ । सहमतिको प्रयासमा सभामुख ओनसरी घर्तिले आज दिनभर प्रयास गरेपनि उपलव्धि हुने संकेत भने देखिएको छैन । 

अवरुद्ध संसद बैठक संचालन गर्ने प्रयासका क्रममा सभामुख ओनसरी घर्तिले कंग्रेस  सभापति शेरबहादुर देउवा सिंहदरबारस्थित आफ्नै कार्यकक्षमा बोलाएर दुई नेतालाइ उहाँले सहमती कायम गरी संसद बैठक खोल्न आग्रह गर्नुभएको थियो । भेटमा कंग्रेस सभापति देउवा र एमाले अध्यक्ष ओली आ–आफ्नै अडान दोहोऱ्याएपछि निरास हुँदै वाहिर निस्किएकी सभामुख घर्तिले भन्नुभयो ।   

मधेशी मार्चाको माग सम्बोधन गर्न भन्दै सरकारले दर्ता गराएको संविधान संशोधन प्रस्तावले सरकार र प्रतिपक्षीबीच चिसिएको सम्बन्धको असर संसदमा परेको छ । संशोधन प्रस्ताव राष्ट्रघाती र छलफल योग्य नभएको भन्दै एमालेले फिर्ता नभएसम्म अवरोध कायमै राख्ने बताएको छ । सभामुखसँगको छलफलपछि बाहिरिदै एमाले अध्यक्ष शेर्पा ओलीले सोही अडान दोहर्‍याउनुभयो । एमालेकै अग्रसरतामा आएको अख्तियार प्रमुख बिरुद्धको महाअभियोगका प्रस्ताव संसद बैठक अवरुद्ध भएपछि अघि बढन सकेको छैन । यस्तै निर्वाचनसंग सम्बन्धित कैँयांै कानुन बनाउनुपर्ने बिषय पनि ओझेलमा परेका छन । सत्ता साझेदार दल कंग्रेसले  संसदमा पास फेल जे भएपनि संशोधन प्रस्तावमा छलफल गर्न पाउनुपर्ने धारणा राखेको छ । सभापति देउवा भने अब संसद गतिरोध धेरै दिन नलम्बिने विश्वासमा हुनुहुन्छ ।

संशोधन प्रस्तावको बिरुद्धमा प्रतिपक्षी दल सदन र सडक आन्दोलमा लागेका छन भने सत्तासाझेदार दल संविधान कार्यान्वयनको एकमात्र विकल्पका रुपमा यसलाइ पेश गरिरहेका छन । संशोधन प्रस्तावपछि ध्रुबिकृत बनेका मुख्य दलहरुले सहमतीका लागि सार्थक संवाद सुरु नगर्दा राजनीतिक गतिरोध लम्बिनुका साथै तोकिएको समयमा तीनवटै तहको निर्वाचन नहुने आशंका पनि बढेको छ ।

सिरियामा बिद्रोही कमजोर बन्दै र मानविय सहायताको लागि ५ दिने युद्धबिराम

२३ मंसिर, २०७३ ।   सिरियाको एलेप्पोमा मानवीय सहायतका लागि भन्दै बिद्रोहीले पाँचदिने युद्धविराम माग गरेका छन् । चार वर्षदेखि विद्रोही नियन्त्रणमा रहेको  पूर्वी अलेप्पोको ७५ प्रतिशत क्षेत्र सरकारी सेनाले आफ्नो नियन्त्रणमा लिएपछि बिद्रोहीहरु पछि हटेको अन्तराष्ट्रिय सञ्चारमाध्यमले जनाएका छन् । 

त्यहाँस्थित बिद्रोहीेले एलेप्पोमा फसेका लाखौं सर्वसाधारणलाई सुरक्षित ठाउँमा जान दिन सिरियाली सरकारसंग सो आग्रह गरेका हुन् । विद्रोहीले एलेप्पोमा ठूलो संख्यामा सर्वसाधारणहरु खतरामा रहेकोले उनीहरुलाई सुरक्षित स्थानमा स्थानान्तरण गर्न तथा समस्या समाधानका लागि  समर्थन गर्न पनि तयार रहेको बताएका छन् । उनीहरुले राष्ट्रसंघको निगरानीमा पाँचदिने मानवीय युद्धविराम गरी घाइतेलाई आपतकालीन उपचार गरिनुपर्ने, सर्वसाधारणलाई उद्दार गर्नुपर्ने माग गरेका छन् । 

यद्यपी सिरियाका  राष्ट्रपति बसर अल असदले एलेप्पोमा युद्धविरामको प्रस्ताव अस्वीकार गर्नुभएको छ । असदले एलेप्पोमाथिको जीत सिरियामा जारी ५ बर्षे गृहयुद्ध अन्त्यको लागि ठूलो कदम हुनसक्ने प्रतिक्रिया दिनुभएको छ । एलेप्पोमा सरकारी नियन्त्रण बलियो बन्दै गर्दा बिद्रोही भने केही कमजोर बनेको बेलायतस्थित सिरियन अब्जरभेटरी फर ह्युमन राइट्स जनाएको छ । 

क्रिकेटर सन्दिप एपीएफमा

काठमाडौं, २३ मंसिर , २०७३ /  राष्ट्रिय क्रिकेट टिमका युवा क्रिकेटर सन्दिप लामिछाने विभागीय टिम एपीएफमा आबद्ध भएका छन् । अन्डर १९ राष्ट्रिय टिमका कप्तान समेत रहेका सन्दिपले एक बर्षका लागि एपीएफसँग सम्झौता गरेका छन ।

अनुबन्धनबारे औपचारिक जानकारी गराएपनि पारिश्रमिकको विषय गोप्य राखिएको सन्दिपले बताए ।   सातौं राष्ट्रिय खेलकुदको तयारीमा रहेको एपीएफ क्लबले स्पिनर शन्दिपलाई टोलीमा अनुबन्ध गरेको हो । राष्ट्रिय क्रिकेट टिमका स्टार खेलाडीले भरिएको एपीएफमा आबद्ध हुन पाउनु आफ्नो लागि खुसीको कुरा रहेको बताउँदै उनले सिनियर खेलाडीसँगको सल्लाहमा क्लबमा आबद्ध भएको बताए । 

मंसिर २७ गते देखी श्रीलंकामा शुरु हुने अन्डर १९ एसिया कपको तयारीमा रहेका सन्दिपले उमेर समुहको प्रतियोगितामा प्रभावशाली प्रर्दशन गर्दै राष्ट्रिय टिममा डेब्यु गरेका थिए ।