जिल्ला स्तरीय बुद्धिचाल शुरु

•  

२ असार,दमक /  झापाको दमकमा आजबाट जिल्ला स्तरीय बुद्धिचाल प्रतियोगिता शुरु भएको छ । 

जिल्ला बुद्धिचाल संघको आयोजना तथा डाइनामिक चेस एकेडेमीको प्राविधिक सहयोग रहेको प्रतियोगितामा जिल्लाका नाम चलेका सहित अनरेटेडको पनि सहभागिता रहेको छ ।

दमकको दमक नगरपालिकाको भवनमा भइरहेको प्रतियोगितामा जिल्लाका ३४ खेलाडीको सहभागिता रहेको छ । 

नेपाल बुद्धिचाल संघका केन्दि«य अध्यक्ष भुपेन्द्र निरौला (निरज) को प्रमुख आतिथ्यमा शुरु भएको प्रतियोगितामा प्रमुख अतिथी निरौला र जिल्लाका अध्यक्ष विजय सुब्बाले गोटी नालेर संयुक्त रुपमा उद्घाटन गरिएको थियो । सात राउण्ड सम्म चल्ने प्रतियोगिता चार गते सकिने छ । 

फ्रान्स युरो कपको अन्तिम १६ मा

२ असार / युरो कप फुटबल खेलमा फ्रान्सले लगातार दोस्रो जित निकालेको छ । समूह ए अन्तरगत बुधबार भएको खेलमा फ्रान्सले अल्बानियालाई २-० ले हराएको हो । 

खेलको अन्त्यतिर एन्टोनी ग्रिजम्यान र दिमित्री पयेटले गरेको गोलको मद्धतमा फ्रान्सले अल्बानियालाई २–० गोल अन्तरले हराउन सक्यो । 
लगातार दोस्रो जितसँगै आयोजक फ्रान्स अन्तिम १६ मा स्थान बनाउने पहिलो टोली बनेको छ । खेलको ९० औँ मिनेटमा फ्रान्सका ग्रिजम्यानले गोल गर्दै खेलमा अग्रता दिलाए । थपिएको अतिरिक्त सात मिनेटको अन्त्यतिर फ्रान्सका पयेटले गोल गरेपछि अल्बानिया २-० ले पछि पर्‍यो ।  
अल्बानियाले गोल गर्ने केही अवसरलाई सदुपयोग गर्न सकेन । फ्रान्सले पहिलो खेलमा रोमानियालाई हराएको थियो । अल्वानिया स्विट्जरल्याण्डसँग पराजित भएको थियो । 

नौ ग्रेडिङमा एसएलसीकाे परीक्षाफल सार्वजनिक

भक्तपुर, २ असार / परीक्षा नियन्त्रण कार्यालय सानोठिमीले २०७२ सालको एसएलसी परीक्षाको नतिजा सार्वजनिक गरेको छ । एसएलसीको ८२ वर्षे इतिहासमा यसैवर्षदेखि ग्रेडिङ पद्धति लागू भएको  छ । विभिन्न नौ ग्रेडिङमा परीक्षाफल सार्वजनिक गरिएको हो । 

नियमिततर्फ ९० देखि १०० प्रतिशत ल्याउने ए प्लसमा १६ हजार ४ सय ५४ जना, ८० देखि ९० प्रतिशत ए ग्रेडमा ४१ हजार ५ सय ७७ जना, ७० देखि ८० प्रतिशत बी प्लसमा ४८ हजार ६ सय ११ जना, ६० देखि ७० प्रतिशत बीमा ६३ हजार १ सय ८१ जना, ५० देखि ६० प्रतिशत सी प्लसमा ९४ हजार ७ सय १६ जना,४० देखि ५० प्रतिशत सी ग्रेडमा १ लाख ४ हजार २ सय ७८ जना, ३० देखि ४० प्रतिशत ल्याउने डी प्लसमा ५६ हजार ७ सय ६३ जना, २० देखि ३० डीमा ८ हजार जना र २० देखि  १० प्रतिशत इमा ११ जना छन् । नियमित, प्राविधिक र एक्जाम्टेड सबै विद्यार्थीको नतिजा अक्षरांक पद्धतिअनुसार प्रकाशित भएको छ ।  

परीक्षामा कूल ६ लाख १५ हजार ५५३ परीक्षार्थी सहभागी भएका थिए । जसमा नियमित तर्फ चार लाख ५२ हजार ८८१ र एक्ज्याम्टेड तर्फ एक लाख ५९ हजार ४१७ विद्यार्थीले परीक्षा दिएका थिए ।

कहाँ हेर्ने परीक्षााफल ?

अघिल्ला वर्षहरु जस्तै एसएलसीको नतिजा वेवसाइट, एसएमएस र टेलिफोनबाट थाहा पाउन सकिने परीक्षा नियन्त्रण कार्यालयले जनाएको छ । www.moe.gov.np, wwww.doe.gov.np, www.soce.gov.np, www.slcresult.soce.gov.np, www.slc.ntc.net.np, नेपाल टेलिकमको PSTN, CDMA, Postpaid, prepaid मार्फत  १६०० नं. डायल गरि प्राप्त सन्देश अनुसार नतिजा प्राप्त गर्न सकिने व्यवस्था गरिएको छ ।

त्यसैगरि SMS बाट पनि नतिजा थाहा पाउन CDMA, Postpaid, prepaid मोवाईल सेटको म्यासेजबक्समा गएर slc ˂space˃ सिम्वाेल नम्बर टाईप गरि  ३५५६६ मा एसएमएस पठाउन सकिनेछ ।
।

सनसाइन कपको उपाधी भण्डारीलाई

२९ जेठ,दमक /  मोरङ्गको उर्लाबारी – ६ मंगलबारेमा सम्पन्न दोस्रो सनसाइन कप अन्तर विद्यालय बुद्धिचालको उपाधी आयोजक सनसाइन बोर्डिङ्ग स्कुलका सक्षम भण्डारीले जितेका छन् ।

शनिबार सातौ तथा अन्तिम राउण्डमा झापा दमकको एभरेष्ट बोर्डिङ्गकी कृपा अधिकारीलाई चित ख्वाएसँगै उनले उपाधी हात पारेका हुन् । भण्डारीलाई कडा चुनौति दिएपनि क्विन पिनमा परेको नदेख्दा उनी पराजित भएकी थिइन् । पहिलो बोर्डमा ह्वाइटबाट खेलेका भण्डारीले अपराजित रहदै प्रतियोगितामा ६.५ अंक जोडे । पराजित अधिकारीको भने ५ अंक थियो । त्यस्तै प्रतियोगिताको दोस्रो भएकी आयोजककै खुसी मुखियाले दोस्रो बोर्डमा खेलेका आयोजककै आदेश दाहाललाई चित ख्वाएकी थिइन् । दाहालले बराबरी गर्न गरेको अफर अस्वीकार गरेकी उनले अन्ततः दाहाललाई घुँडा टेकाउँदै दोस्रो स्थान हासिल गरेकी हुन् । पराजित भएपनि दाहाल तेस्रो भए । मुखियाको ६ र दाहालको ५.५ अंक थियो ।

प्रतियोगितामा आयोजक सनसाइनका सैलेस दुलाल चौथो,झापा मोडल दमकका संदेश खड्का पाँचौ र समान ५.५ अंक नै भएपनि प्रोग्रेसिव प्वाइनटका आधारमा आयोजकका श्रृजन खड्का छैटौ भए । समान पाँच अंक जोडेका सुनगाभा उर्लाबारी मोरङ्गका दिपेन्द्र खनाल ,आयोजकका आषिस पाण्डे,एभरेष्ट दमकका प्रशान्त शाहा र आयोजकका सौरभ दुलाल क्रमशः सातौ देखि दशौं भए ।

गल्सतर्फको उपाधी भने झापा दमकको एभरेष्ट बोर्डिङ्गकी कृपा अधिकारीले जितिन् । उनले प्रतियोगितामा पाँच खेल जितेकी थिइन् । गल्सतर्फ आयोजककी आष्मा थापा हुँदा एभरेष्टकै खुस्बु थापा तेस्रो भइन् । खुस्बुले झापा मोडल दमकका प्रज्वल खतिवडासँग सातौ राउण्डमा बराबरी खेलेकी थिइन् । झापा मोडलकी स्मिता सुब्बा चौथो,झापा मोडलकै रिया कार्की पाँचौ,एभरेष्टकी अस्मिता दाहाल छैटौ र झापा मोडलकी निष्मा संकर सातौ भइन् । 

प्रतियोगिताका विजेताहरुलाई प्रमुख अतिथी समाजसेवी प्रेम प्रकाश कोइराला,समापन कार्यक्रमका सभापति तथा विद्यालयका निर्देशक सुरेन्द्र सुबेदी, झापा जिल्ला बुद्धिचाल संघका अध्यक्ष विजय सुब्बा,सुनगाभा उमाविका विजय श्रेष्ठ,हिमचुलीका भवानी आचार्य,झापा मोडलका जय बहादुर श्रेष्ठ,राष्ट्रिय फुट्बल खेलाडी संजिब बुढाथोकी लगायतले नगद तथा ट्रफी प्रदान गरिएको थियो ।

कार्यक्रममा चिफ आरविटर तथा नेपाल च्याम्पियन भुपेन्द्र निरौला (निरज) र आरविटर तथा संचारकर्मी उत्तम रिजाल र मोरङ्गकी पहिलो महिला रेटेड खुसी मुखियालाई सम्मान पनि गरिएको थियो । कार्यक्रममा झापा र मोरङ्गका ८ विद्यालयका ६२ विद्यार्थीको सहभागिता रहेको थियो ।

पूर्वराजाले देशभर धार्मिक यात्रा थाल्ने

                                           काठमाडौं । पूर्वराजा ज्ञानेन्द्र शाहले हिन्दु

राष्ट्र नेपाल बनाउन करिव २५ जिल्लामा धार्मिक यात्रा गर्ने भएका छन् । दुई सातादेखि आफ्नै लगानीमा रहेको झापास्थित हिमालयन टी स्टेटमा रहेका पूर्वराजाले हिन्दुराष्ट्रका लागि धार्मिक यात्रा सुरु गर्ने योजना बनाएका छन् ।

हिमाल, पहाड र तराईका २५ जिल्लामा उनले धार्मिक यात्रा गर्ने तयारी गरेका छन् । जनकपुरको रामजानकी मन्दिरदेखि प्यूठानको स्वर्गद्धारीसम्म उनले धार्मिक यात्रा गर्ने स्रोतले बताएको छ । त्यही सिलसिलमा उनी मुगुको रारा पनि पुग्ने योजना  छ ।

पूर्वराजाको धार्मिक यात्राका लागि दजनौ मन्दिरहरुमा बिशेष कार्यक्रम र पुजा गरिने भएको छ । धार्मिक कार्यक्रममा पूर्वयुवराज्ञी हिमानी शाहलाई पनि पूर्वराजाले सँगै लिने योजना बनाएका छन् । पूर्वराजपरिवका सदस्य मध्ये अलि बढि चर्चा र साहनुभूतिमा हिमानी पर्दछिन् । हिमानीको सहानुभूतिलाई नागरिक समक्ष राख्ने योजना पूर्वराजाले बनाएका छन् ।

त्यसैगरी पूर्वराजाको धार्मिक यात्रामा धार्मिक संगठनहरुको पनि सहभागिता हुने भएको छ । उनले २५ जिल्लाका २५ मन्दिरहरुमा पुजाआजा गर्ने भएका छन् । पुजाआजाका बेला सर्वसाधरणसँग भेट गर्ने कार्यक्रम रहेको उनी निकट स्रोतले बताएको छ ।

आफ्नो धार्मिक भ्रमणका बारेमा छलफल गर्न पूर्वराजाले अतिनिकट तीन ब्यक्तिलाई शुक्रबार झापा बोलाएका थिए । भरतकेशर सिंह, प्रभाकर सम्शेर र प्रभु समशेरलाई झापा बोलाएर पूर्वराजाले भ्रमण योजना तय गरेका हुन् । असारको खेति सकिएलगतै उनले धार्मिक यात्रा थाल्ने भएका छन् ।

प्रथम मिस दमकको उपाधि ढकाललाई

१५ जेठ,दमक/  झापाको दमकमा सम्पन्न प्रथम मिस दमक २०१६ को उपाधि रुजु ढकालले हात पारेकी छन् । शुक्रबार रेडक्रस भवन दमकमा भएको ग्राण्ड फिनालेमा अन्य १६ प्रतिस्पर्धीलाई पछि पार्दै उनी प्रथम मिस दमक बन्न सफल भएकी हुन् । एड लिङ्ग एडभरटाईजिङ एजेन्सीको आयोजना तथा कौचा कन्ट्रक्सन कम्पनी प्राइभेट लिमिटेडको मुख्य प्रायोजनमा भएको सो प्रतियोगितामा सेकेण्ड रनरअपको उपाधि सोयाश्री बज्रचार्यले हात पार्दा फस्ट रनरअप भने मेरिना विश्वकर्मा भइन् ।  

सत्र प्रतिस्पर्धीको पहिलो प्रस्तुतिबाट टप टेन छनोटमा दश निर्णायक रहेको सो फिनालेका निर्णायकले उनीहरुको परिचय तथा प्रस्तुतिबाट अन्तिम दश छनोट गरेका थिए । अन्तिम दशमा प्रबेश पाएकाहरुलाई दश निर्णायकले प्रतिस्पर्धी आँफैले तानेको टोकनमा जुन निर्णायकको नाम परेको थियो सोहि निर्णायकले प्रश्न सोधेका थिए । सोहि प्रश्नको जबाफका आधारमा दश निर्णायकले टप टेनबाट टप फाइभ छनोट गरेका थिए । टप टेनमा सोधिएको प्रश्नको केहि प्रतिस्पर्धीले जबाफ दिन नसक्दा सम्भावना भएरपनि बाहिरीनु परेको थियो ।

त्यसपछि अन्तिम पाँचमा पुगेका उनीहरुलाई तपाइ मिस दमक हुनुभयो भने दमकलाई ग्रिन सिटी बनाउन तपाइको कस्तो भुमिका हुनेछ भन्ने एउटा साझा प्रश्न सोधिएको थियो । त्यस प्रश्नको जबाफ उनीहरुलाई तीन मिनेट भित्र लेख्न भनिएको थियो । सोहि समय भित्र उनीहरुले खेलेको आ–आफ्नो जबाफ करिब पाँच सय बढी दर्शकका माझ आँफै पढेर सुनाएका थिए । सोहि जबाफका आधारमा प्रतियोगिताको विजेता छनोट गरिएको थियो । जसमा ढकालले बाजी मारिन ।

त्यस्तै प्रतियोगितामा अन्य दश विधाका उत्कृष्ट पनि छनोट गरिएको थियो । जसमा मिस ट्यालेन्ट र बेष्ट आइजको उपाधि सोयाश्री बज्रचार्यले हात पारिन भने बेष्ट स्किनको उपाधी श्रृजना अधिकारीले, बेष्ट स्माइलको उपाधि गरिमा प्रधानले, बेष्ट हेयरको उपाधि आशिका राईले, बेष्ट क्याटवाकको उपाधि सिम्रन गजमेरले, बेष्ट पर्सनालिटीको उपाधि मौसम सुब्बाले, बेष्ट फ्रेण्डसीपको उपाधि काजोल क्षेत्रीले, बेष्ट फोटोजेनिकको उपाधि करुणा तामाङ्गले र पब्लिक च्याइसको उपाधि रक्षा सुब्बाले हात पारेका थिए । 

प्रतियोगिता सशस्त्र प्रहरीबल पाथिभरा गणका गणपति भरतबाबु कार्कीको प्रमुख आतिथ्यमा सम्पन्न भएको थियो ।

विमानस्थलमा भेटियो माइक्रोवेभ भित्र साढे ३ किलो सुन

१२ जेठ /  त्रिभुवन अन्तर्राष्ट्रिय विमानस्थल भन्सारले मंगलवार राति साढे ३ किलो अवैध सुनसहित भारतीय मुलका सिंगापुरीयन नागरिक मारुगाइयन सेल्भमलाई पक्राउ गरेको छ ।

मालिन्दो एयरको ओडी ८०४ फ्लाइटबाट राति ८:३० मा आएका सेल्भमको साथमा रहेका एम्प्लिफायर र माइक्रोवेभमा ३७ पिस सुन लुकाएको अवस्थामा बरामद भएको हो ।

विमानस्थल भन्सारका प्रमुख भन्सार अधिकृत तुलसी चौलागाईंले भने 'भन्सारका साथीहरुले शंका लागि मार्क गरेपछि हामीले बाहिर निस्केपछि खोलेर जाँच गर्दा सोनीको म्याक्स एम्प्लिफायर र माइक्रोवेभ भित्र सुन भेटाएका हौं,' ।

अधिकृत चौलागाईंका अनुसार ई५५५८४२एच नम्बरको सिंगापुरको रहादानीवहाक सेल्भमलाई अहिले भन्सारको हिरासतमा राखिएको छ ।

'विदेशबाट आउने नेपालीलाई ५० ग्राम काँचाे सुन ल्याउन पनि छु्ट हुन्छ,' उनले भने, 'तर विदेशीलाई भने सो परिमाणकाे गरगहना मात्र ल्याउन छुट छ । बढी परिमाणको सुन, त्यो पनि लुकाइ छिपाइ ल्याउनु गैर कानुनी हो ।'