१० भदौं,काठमाडौं/ तराई मधेस राष्ट्रिय अभियानका संयोजक जयप्रकाश प्रसाद गुप्ताले मधेसमा जारी आन्दोलन असन्तुष्ट तराई–मधेस केन्द्रीत दलको नेतृत्व नभएको बताएका छन्। तराई-मधेसमा स्वतः स्फुर्त आन्दोलन सुरु भएपछि मात्र त्यसको नेतृत्व गर्न संविधानसभामा प्रतिनिधित्व गर्न तराई(मधेस केन्द्रीत दल पुगेको गुप्ताको दाबी छ। मधेस र मधेसी जनताको मुद्दाको सही प्रतिनिधित्व ती दलबाट हुन नसक्ने पनि गुप्ताको जिकिर प्रस्तुत भएको छ।
मधेसमा जारी आन्दोलन उपेन्द्र यादव, महन्थ ठाकुर र राजेन्द्र महत्तोले गरेका होइन, आन्दोलन स्वतः स्फुर्त भइरहेको छ,गुप्ताले नागरिकन्युजसँगको कुराकानीमा भने, मधेसमा आन्दोलन सुरु भएपछि मात्र त्यसलाई क्याच गर्न मधेसमा झरेका हुन् तर हिजो सत्तामा पुगेर पनि मधेसी जनतालाई केही नगरेको यो नेतृत्वलाई जनताले पत्याएका भने छैनन, जसका कारण पनि यिनीहरुको नेतृत्वमा आन्दोलनले उचाई लिन सकिरहेको छैन्। तराई - मधेसको मुद्दामा नेतृत्व गर्ने अर्को शक्ति हाल नभएकाले मात्रै केन्द्रमा ती दल देखिएका हुन्।
तराई-मधेस दलको आन्दोलनको कुनै उद्देश्य नभएको र मागबारे प्रस्टता नभएको पनि गुप्ताको आरोप छ। जनकपुर र बिराटनगर लगायत धेरै ठाउँमा उनीहरुलाई घेरेर सोधिएको छ( तपाईहरुले मधेसमा १, २ अथवा ३ कत्ति प्रदेश बनाउन चाहेको हो, नागरिकतामा ठोस धारणा के होरु जस्ता प्रश्न राखेर बारम्बार मधेसी जनताले सोधेका छन, तर यो कुरा मिडियाले लेख्दैनन, गुप्ताले अगाडि भने, तर, गोलमोटल जवाफ दिएर मधेसी जनतालाई अझै पनि झुक्याउने काम गरिरहेका छन्, जनताका सबालको जवाफ दिन नसकेर हायल कायल भइरहेका छन्।
संविधानसभाको जारी प्रक्रियालाई नै बहिस्कार गर्दै आएका संघीय समाजवादी फोरम नेपाल, तराई मधेस लोकतान्त्रिक पार्टी, सदभावना पार्टी र तराई मधेस सदभावना पार्टी बिच नै एकता हुन नसकेको उनको भनाइ छ।
राजेन्द्र महत्तो राजीनामा दिएर हिँड्छन, उपेन्द्र, महन्थ र महेन्द्र यादव राजीनामा दिनै मान्दैनन, त्यस्तै राजेन्द्र उग्र कुरा गरेर हिँडिरहेका छन् तर महन्थजी भने नरम हुदैँ वार्ताका लागि तयारी देखिएका छन्,गुप्ताले भने, राजीनामा दिएर बाहिरिनेमा यिनीहरुबीच कुरा मिल्छ, न सरकारसँग वार्तालाई हेर्ने दृष्टिकोण नै मिल्छ तैपनि भन्छन, हामी एक छौं। उक्त दुई उदाहरणले नै संयुक्त लोकतान्त्रिक मधेसी मोर्चा आवबद्ध दलबीचमै एकता हुन नसेको पुष्टि गरेको उनले जनाएका छन्।
मुख्यतः गत जेठ २५ प्रमुख दल बिच भएको १६ बुदेँ सहमति प्रति असन्तुष्टी जनाउँदै यी दल आन्दोलनमा छन् । आन्दोलन असन्तुष्ट ४ दलको नियन्त्रण भन्दा बाहिर रहेकाले तत्कालै साम्य हुने स्थीति नभएको उनको बिश्लेषण छ ।
मधेसी जनतालाई अधिकार प्राप्त गर्नका लागि अतिवादी शक्ति र हिजो सत्तामा रहेर पनि मधेसका लागि केही गर्न नसकेको आरोप खेपिरहेका दल बाधक बन्दै गएको गुप्ताको पछिल्लो बिश्लेषण छ । एउटा अतिवादी र अर्को अवसरवादी शक्तिका कारण मधेसी जनता थप अन्यायमा परिरहेका छन्, यी दुवै शक्तिका पछाडी मधेस जनता लाग्ने छैनन्, लागेका पनि छैनन् गुप्ताले भने, तर, आफनो अधिकारका लागि मधेसी जनता पछाडी हटनेवाला पनि छैनन ।
स्वतः स्र्फुत रुपमा उठेको आन्दोलनले नयाँ नेतृत्वको खोजी गरिरहेको गुप्ताले जनाएका छन् । अतिवादी र अवसरवादी शक्तिको खिलाफमा एउटा अर्को शक्तिको खोजी मधेसी जनताले गरिरहेका छन, त्यसको जसले नेतृत्व गर्न सक्छ, मधेस अब उसैले हाँक्छु गुप्ताको निष्कर्ष छ ।
