एसेज श्रृंखला अन्तरगतको चौथो टेस्टमा एक इनिङ्ग र ७८ रनको शानदार
अन्तरको जित हातपार्दै इङ्गल्याण्डले अष्ट्रेलिया विरुद्धको पाँच टेस्ट म्याचको श्रृंखला ३–१ ले जितेको छ । पहिलो इनिङ्गमा १८ दशमलव ३ ओभरमा मात्र ६० रनमा समेटिएर फलोअनमा परेको अष्ट्रेलिया दोस्रो इनिङ्गमा ७२ दशमलव ४ ओभरमा २ सय ५३ रनमै समेटिएपछि इङ्गल्याण्डले शानदार जित हातपारेको हो । पहिलो इनिङ्गमा मित्सेल जोनसनले सर्बाधिक १३ र कप्तान माइकल क्लार्कले १० रन जोडेका थिए भने अन्य ब्याट्समेनले दोहारो अंकको रन जोड्न सकेनन् । सोक्रममा अतिरिक्त रन स्वरुप अष्ट्रेलियाले १४ रन पाएको थियो । त्यसपछि फलोअनमा रहेर दोस्रो इनिङ्ग शुरुगरेको टोलिका लागी ओपनर डेविड वारनरले ६४,क्रिस रोजर्सले ५२ र एडम भोगेसले ५१ रन जोडेपनि अन्य ब्याट्समेनले आसातित प्रदर्शन गर्न नसक्ता टोलिले लज्जासपद हार बेहोर्यो ।
इङ्गल्याण्डले भने पहिलो इनिङ्गमा जोइ रुटको सर्बाधिक एक सय ३० र जोनी बैर्सटोको ७४ रनको मद्दतमा ८५ दशमलव २ ओभरमा ९ विकेट गुमाएर ३ सय ९१ रन बनाएपछि इनिङ्ग समाप्तिको घोष्णा गरेको थियो । खेलको म्यान अफ दी म्याच इङ्गल्याण्डका तिब्रगतिका बलर स्टुआर्ट ब्रोएड भए ।
