गृहमन्त्री विमलेन्द्र निधी द्धारा पदबाट राजीनामा ।

गृहमन्त्री विमलेन्द्र निधी द्धारा प्रधानन्यायाधीश विरुद्धको महाअभियोग प्रति असन्तुष्ट जनाउँदै पदबाट राजीनामा ।

वैशाख १७, २०७४

प्रधानन्यायाधीश कार्कीविरुद्ध संसदमा महाअभियोग प्रस्ताव दर्ता

प्रधानन्यायाधीश सुशिला कार्की विरुद्ध संसदमा महाअभियोग प्रस्ताव दर्ता भएको छ । सिंहदरबारस्थित संसद सचिवलायमा नेपाली कंग्रेस र माओवादी केन्द्रका सांसदहरुले प्रधानन्यायाधीश कार्की विरुद्ध महाअभियोग प्रस्ताव दर्ता गराएका हुन् । 

 

 

महाअभियोग प्रस्तावमा कंग्रेसका १८९ र माओवादीका ६० गरेर २ सय ४९ सांसदले हस्ताक्षर गरेका छन् । कंग्रेसका तर्फबाट मिनबहादुर विश्वकर्मा प्रस्तावक र माओवादी केन्द्रका प्रमुख सचेतक टेकबहादुर बस्नेत सर्मथक रहेका छन् । 

 

 प्रहरी महानिरिक्षकको बढुवा सम्बन्धी विवादमा प्रधानन्यायाधीश कार्कीले कार्यपालिकाको क्षेत्राधिकार उल्लङ्घन गरेको भन्दै महाअभियोग दर्ता गराएको कंग्रेसका सांसद विश्वकर्माले जानकारी दिनुभयो । कार्कीले कार्यपालिकाको क्षेत्राधिकार नाघेकाले प्रधानन्यायाधीश पदका लागि योग्य नभएको विश्वकर्माले बताउनुभयो । 

 

एक तिहाई भन्दा बढी सांसदले महाअभियोग प्रस्ताव दर्ता गराएसंगै प्रधानन्यायाधीश कार्की स्वत: निलम्बनमा पर्नु भएको छ । आगामी जेठ २४ गते प्रधानन्यायाधीश कार्कीले अवकाश पाउँदै हुनुहुन्छ ।

 

 

वैशाख १७, २०७४

संविधान संशोधनको पक्षमा मतदान गर्ने राप्रपाको निर्णय

राष्ट्रिय प्रजातन्त्र पार्टीले व्यवस्थापिका संसदमा दर्ता भएको संविधान संशोधनको पक्षमा मतदान गर्ने निर्णय गरेको छ ।

 

सिंहदरबारस्थित संसदीय दलको कार्यालयमा आज बिहान बसेको संसदीय दलको बैठकले पछिल्लो पटक सरकारले व्यवस्थापिका–संसद्मा ल्याएको संविधान संशोधन प्रस्तावका पक्षमा मतदान गर्ने निर्णय गरेको हो । 

बैठकले वर्तमान अवस्थामा देखिएको राजनीतिक गतिरोध अन्त्यका लागि संशोधन प्रस्तावका पक्षमा मतदान गर्ने निर्णय गरेको नेता दिपक बोहराले जानकारी दिनुभयो । पार्टी एकीकरण भएपछि राप्रपाको सासंद संख्या ३७ पुगेपनि आजको बैठकमा २७ जना मात्रै उपस्थित थिए । 

 

 

वैशाख १७, २०७४ 

पहिलो चरणको निर्वाचन बैसाख ३१ मै हुने प्रमको दावी

स्थानीय तहको पहिलो चरणको निर्वाचन हुने नहुने अन्यौल बढीरहेका समय प्रधानमन्त्री पुष्पकमल दाहालले पहिलो चरणको निर्वाचन बैसाख ३१ मै हुने दावी गर्नुभएको छ ।

 

 नयाँ बानेश्वरस्थित संसद बैठकबाट बाहिरिने क्रममा सञ्चारकर्मीहरुसँग कुराकानी गर्दै प्रधानमन्त्री दाहालले निर्वाचनप्रति आशंका नगर्न सम्वद्ध सबैमा आग्रह गर्नुभयो । आसन्न स्थानीय तहको निर्वाचनका लागि पर्सी नोमिनेशन गरेर सबै दलले निर्वाचनको वातावरण बनाउने दाहालको भनाई थियो । 

 

दललाई निर्वाचनको वातावरण बनाउन संसद बैठक २१ गतेसम्म स्थगित गरिएको भन्दै प्रधानमन्त्री दाहालले संघीय गठबन्धन पनि निर्वाचनमा सहभागी हुने दाबी गर्नुभयो । राजनैतिक वातावरण बनाउन सबैपक्षसँग थप वार्ता र छलफल आबश्यक रहेको भन्दै उहाँले संविधान संसोधनको बिषय संसदको आगामी बैठकले टुंगो लगाउने जानकारी दिनुभयो । 

वैशाख १७, २०७४

विश्व चर्चित स्वीस आरोहीको लडेर मृत्यु

विश्वकै चर्चित आरोही स्वीज्रल्याण्डका उली स्टेकको सगरमाथा आरोहणका क्रममा आज मृत्यु भएको छ । दोश्रो शिविर /क्याम्प टु नजिकै खोंचमा खसेर उनको घटनास्थलमै मृत्यु भएको हो । 

 

आरोहण अभ्यासका लागि क्याम्प टु देखि क्याम्प थ्री तर्फ जानुपर्नेमा उनी नुप्चे हिमालतिर अघि बढेका थिए । हिमालयन उद्दार संघका आधारशिविर प्रमूख लाक्पानुर्बु शेर्पाका अनुसार उनी बाटो बिराएर नुप्चेतिर जाने क्रममा लडेको हुनसक्ने आशंका गरिएको छ । उनको शव उद्दार गरि हेलिकप्टर मार्फत लुक्ला ल्याईसकिएको छ । 

लुक्लामा प्रहरी मुचुल्का उठाई आजै साँझसम्म राजधानी पठाइने प्रहरीले जनाएको छ । ४१ वर्षिय उलीले पटक पटक विभिन्न हिमाल आरोहण गरेकै कारण ‘स्वीस मेसिन’ उपनाम दिइएको थियो । उनले यसअघि पनि सगरमाथा आरोहण गरिसकेका थिए ।

 

वैशाख १७, २०७४

इलाममा यस्ता छन् सिफारिसमा परेका एमाले उम्मेदवारहरु

इलाम ।  एमालेले इलामले नगरपालिकाको प्रमुख र उपप्रमुख तथा गाउँपालिका अध्यक्ष र उपाध्यक्षका अधिकाँश उम्मेदवारहरुको टुङ्गो लगाएको छ । एमाले इलामले दिएको जानकारी अनुसार इलाम नगरपालिकाको प्रमुखमा महेश बस्नेत सर्वसम्वत सिफारिस भएका छन् ।  उपप्रमुखमा तारा गुरुङ, सुशिला नेम्बाङ् र टीका भारद्धजको नाम सिफासिर गरेको छ । चुलाचुली गाउँपालिकाको अध्यक्षमा प्रदीपचन्द्र राई,ओमनारायण खनाल  र नारायण लावतीको नाम सिफरिस गरिएको छ भने, उपप्रमुखमा निर्मला दाहाल, मीना राई र गीता भट्टराईको नाम सिफारिस गरिएको एमाले जनाएको छ । 

त्यसैगरि देऊमाई नगरपालिकाको प्रमुख सूर्य पोख्रेल सर्वसम्मत भएका छन् भने उपप्रमुखमा पविमायाँ राई सर्वसम्मत भएकिछिन् । त्यस्तै सूर्योदय नगरपालिकाको प्रमुखमा आरबी राई, काजीमान कागते, सोनाम छिरिङ् र याम सुवेदीको नाम सिफारिस गरिएको छ भने उपप्रमुखमा दुर्गा भट्टराई, चित्रकला भट्टराई र सावित्रा गड्तौलाको नाम सिफारिस गरिएको छ ।

त्यस्तै माई नगरपालिकाको प्रमुखमा रत्न अधिकारी, दिपक थेवे, ध्रुब श्रेष्ठ, मेघनाथ गिरी र मोहन देवानको नाम सिफरिस गरिएको छ भने उपप्रमुखमा बिष्णुमायाँ आचार्य, हिमा भण्डारी र लक्ष्मी लावतीको नाम सिफारिस गरिएको छ । सिफारिसको अन्तिम निर्णय भोली बस्ने नगर संगठन सचिवाय कमिटीको बैठकले गर्नेछ ।

माङ्सेबुङ्ग गाउँपालिकाको अध्यक्षमा हेमन्त राई र उपाध्यक्षमा सुनिता योङ्हाङ सर्वसम्मत भएकाछन् । त्यस्तै फाकफोकथुम गाउँपालिकाको अध्यक्षमा दिपेन्द्र खनाल, नरेन्द्र लिम्बु र प्रेमराज लिम्बुको नाम सिफारिस गरिएको छ भने उपाध्यक्षमा सरस्वती राई, विमलादेवी शर्मा र गायत्रा रेग्मीको नाम सिफारिसमा परेको छ ।

त्यस्तै सन्दकपुर गाउँपालिकाको अध्यक्षमा उदय राई र उपाध्यक्ष शोभा पराजुली सर्वसम्मत भएकाछन् । माईजोगमाई गाउँपालिकाको अध्यक्षमा जितबहादुर राई, याम अधिकारी र शिखरनाथ सापकोटाको नाम सिफारिस गरिएको छ भने, उपाध्यक्षमा सावित्रा भट्टराई र यमुना घिमिरेको नाम सिफारिस गरिएको छ ।

रोङ्ग गाउँपालिकाको अध्यक्षमा बृहस्पति खतिवडा, मेहेरमान तामाङ्ग, दौलत राई र तेजराज (राजन) बरालको नाम सिफारिस गरेको छ भने, उपाध्यक्ष्मा बिष्णु खवास, कमला तामाङ्ग र सीता न्यौपानेको नाम सिफारिस गरेको छ । ती नामहरुको अन्तिम टुङ्गो प्रदेश कमिटीको बैठकले लगाउनेछ ।

२०७४,बैसाख ७

सेनाको चेतावनी ‘राष्ट्रघाति काम गरे प्रधानमन्त्रीको कुर्सी खोसिन्छ’

काठमाडौं ।  भारतले संयुक्त राष्ट्रसंघीय शान्ति मिसनमा जाने नेपाली सैनिकहरूलाई आफ्नो सेनामातहत परिचालन गर्न ‘लबिङ’ थालेपछि नेपाली सेना प्रधानमन्त्री पुुष्पकमल दाहालसंग क्रुद्ध भएको छ । 

भारतले क्षेत्रीय (सार्क) र उप–क्षेत्रीय (बीबीआईएन) सुरक्षाको हवाला दिँदै नेपाली सेनालाई भारतीय सेनाको ‘कमान्ड’अन्तर्गत रहने गरी शान्ति मिसनमा लैजाने अनौपचारिक प्रस्ताव राखेको थाहा पाएपछि जंगी अड्डाले त्यस्तो नगर्न राजनीतिक नेतृत्वलाई सुझाव दिएको एक उच्च सैन्य अधिकारीले बताए ।

भारतले सुरुवातमा सार्क मार्फत राष्ट्रसंघ (यूएन) को शान्ति मिसनमा जानुपर्ने उल्लेख गरेपनि छिमेकी  पाकिस्तानसँगको दूरीपछि सार्ककै अर्को उपक्षेत्रीय संगठन बीबीआईएन (बंगलादेश, भुटान, भारत र नेपाल) मार्फत शान्ति स्थापनार्थ खटिनुपर्ने धारणा अघि सारेको हो । भारतले नेपालको राजनीतिक तहमा ‘लबिङ’ गरेपछि सशंकित बनेको सेनाले कुनै हालतमा राष्ट्रघाति सम्झौता नगर्न प्रधानमन्त्री दाहाललाई सचेत गराएको हो ।

एक उच्च विशिष्ट सैन्य अधिकारीले नेपालपाटीसंग भने‘पटक पटक सचेत गराउने काम सेनाबाट भएको छ । छिमेकीलाई खुशी बनाउन सेनालाई बलिको बोको बनाउने काम हुन थालेपछी यो विषय सार्वजनिक गर्नुपरेको हो । राष्ट्रघाति काम गरेमा प्रधानमन्त्री दाहाल दोस्रो पटक कुुर्सी खोसाईमा पर्ने छन् ।’

सेनाले यसअघि नै रक्षामन्त्री बालकृष्ण खाँण र परराष्ट्रमन्त्री प्रकाशशरण महत समक्ष आफ्नो असन्तुष्टि जाहेर गरिसकेको छ । तर दुवै मन्त्रीले सेनालाई बेवास्ता गरेपछी भारतले आफ्नो दवावलाई बढाएको छ ।
परराष्ट्रमन्त्री महत भारत भ्रमणमा निस्कनुअघि सेनाले आफ्नो सरोकार राखेको थियो  ।

२०७४,बैसाख ७