झापामा मिरालाई २८ लाखको सम्मान गरिने

उत्तम रिजाल
अल्ट्रा म्याराथुन धाविका मिरा राईलाई झापामा नगद २८ लाखको सम्मान गरिने भएको छ । सरकार र नेताले उनको साहासिक यात्रा बुझ्न नसेके पनि झापा दमकका एक ब्यक्तीले भने उनको उच्च सम्मान गर्ने तयारी गरेका छन् । 

ब्रिटिस आर्मीका खुकुरी प्रशिक्षक दमक १९ निवासी राष्ट्र राईले उनलाई सम्मान गर्न लागेका हुन् । उनले अयोग्य भनि फालिएको तथा कम्जोर आर्थिक अबस्था भएको  व्यक्तीले राष्ट्रको नाम विश्व सामु चिनाउँदा पनि त्यसको मुल्यांकन गर्न नसकेकाले राष्ट्रका लागि केहि गर्नुपर्छ भन्ने भएर नै सम्मान गर्न लागिएको बताए । उनले मिरालाई राष्ट्रले नचिने पनि आँफुहरुले चिनेको बताए । 

खुकुरी प्रशिक्षक राईले ब्रिटेनमै उनले स्थापना गरेको शगरमाथा ताइकन्दो डोजाङ्ग युकेको पहलमा अन्य चार सहयोगी संस्थाकोे सहयोगमा उक्त रकम दिन लागेको बताए । उनलाई किराँत राई यायोख्खा, जेन मार्शल आर्ट एकेडेमी, भोजपुर समाज र नेपाल युके युथले सहयोग गरेको बताए । खुकुरी प्रशिक्षक राईले मिरालाई खाडी मुलुक जान रोकेका गुरु धर्म विक्रम मल्ललाई पनि नगद दुई लाखले सम्मान गर्ने बताए । 

बाह्र बर्षको कलिलै उमेरमा माओवादी सशस्त्र द्धोन्द्धमा बन्दुक बोकाइएकी उनी माओवादी शान्ति प्रक्रियामा आएसँगै अयोग्य लडाकुमा परिणत भएकी थिइन् । माओवादी सत्ता प्राप्तीमा लागिरहदा योग्य भएकी उनी त्यतिबेला अयोग्य भइन जतिबेला माओवादी अध्यक्ष प्रधानमन्त्री हुने निश्चित थियो । त्यही पदको आशामा बसेका प्रचण्ड लगायतका माओवादी नेताहरुले अनमीनले लडाकु प्रमाणीकरण गर्दा उनीसँगै सयांै लडाकु अयोग्यको बिल्ला भिर्न बाध्य भए । त्यस पश्चात खिन्न मन भएपछि खाडी मुलुक जाने सोचका साथ तयारी गरेकी उनी धर्म विक्रम मल्ल नामका एक गुरुबाट रोकिइन र दौडतर्फ लागिन् । जसको फलस्वरुप उनी अल्ट्रा म्याराथुन धाविका बनिन् र आँफू अयोग्य नभएको मात्र होईन् नेताको सत्ता र कुर्सी मोहका कारण अयोग्य बनाइएको प्रमाणित गर्न सफल भइन् ।

प्रमाणिकरणमा अयोग्य भनिएपनि हरेश नखाई निरन्तरको मेहेनतले नेपाल र नेपालीको नाम विश्व सामु चिनाउन सकेको भन्दै उनको साहासिक कामको अहिले सर्बत्र चर्चा छ । मिरालाई यहि २१ गते दमक रेडक्रस भवनमा एक कार्यक्रम गरि सम्मान गरिने छ । 

१७ पुस,२०७३

राष्ट्र बचाउन सबै नेपाली जाग्नै पर्ने भाेः पूर्वराजा ज्ञानेन्द्र

काठमाडौंं– पूर्वराजा ज्ञानेन्द्र शाहले मुलुकलाई अस्थिरता र अराजकताको आगोले जलाइ रहेको भन्दै राष्ट्रलाई कमजोर पार्ने र  राष्ट्रिय गौरव भेट्ने कार्य असैह्य भएको बताएका छन्।

बुधबार साँझ एक विज्ञप्ति जारी गरी पूर्व राजा शाहले  नेपालीबीच सामाजिक सद्भाव मेट्ने, तराई, पहाड र हिमालमाझको ऐक्य भाव तोड्ने भगीरथ प्रयत्न भइरहेको भन्दै ती कार्य क्रान्तिकारी, परिवर्तनकारी वलिदानी आदि शब्द भावको दुरुपयोग गर्दै राष्ट्रलाई कमजोर पार्न प्रयोग रिएको उल्लेख गरेका छन्।

 

‘नेपाली मन मस्तिष्कमा देशभक्तिको भावना ढलेको छैन, सबै नेपालीले राष्ट्र बचाउन फेरि एकपटक इतिहासले सुम्पिएको गहन जिम्मेवारी पूरा गर्न र देशको अक्षत अस्तिस्व आफ्ना सन्ततीलाई सुम्पन प्रमुख र प्रखर रुपले जाग्नै परेको र लाग्नै परेको छ।’

यसअघि कुनै चाड विशेषका बेलामा मात्र वक्तव्य निकाल्ने पूर्व राजाले विना कुनै अवसरमा विज्ञप्ति निकालेका हुन्।

‘निषेधको राजनीति र प्रतिशोधनको मानसिकताबाट ग्रसित राष्ट्रिय आधारहरु किमार्थ बलिया हुन सक्दैनन्,’ विज्ञप्तिमा भनिएको छ, ‘इतिहास कलंकित गर्दै निश्चित स्वार्थ पूरा गर्न गरिएका कार्यहरु कदापि प्रशंसित हुन सक्दैनन्। माटो र मुटुसँग जोडिएको देशभक्तिलाई लाञ्छित गरेर आधुनिकताको दुहाइ दिएरमात्र कथित अग्रगमनको यात्राले गति लिन सक्दैन।’

नेपालको स्थायी सत्ता  भनेकै राष्ट्र र राष्ट्रवासी भएको उल्लेख गर्दै विज्ञप्तिमा यसलाई सवल पार्ने भाषा, धर्म, संस्कृति, इतिहास र त्यसले बोकेको आस्था र विश्वासलाई त्यसको बलियो जग भएको उल्लेख छ।

जनताका आस्थाहरु नढलेको उल्लेख गर्दै विज्ञप्तिमा पूर्व राजाले  उल्लेख गरेका छन्, ‘नेपाली मन मस्तिष्कमा देशभक्तिको भावना ढलेको छैन, सबै नेपालीले राष्ट्र बचाउन फेरि एकपटक इतिहासले सुम्पिएको गहन जिम्मेवारी पूरा गर्न र देशको अक्षत अस्तिस्व आफ्ना सन्ततीलाई सुम्पन प्रमुख र प्रखर रुपले जाग्नै परेको र लाग्नै परेको छ।

संसद बैठक आठौं पटक स्थगित

७ पुस, २०७३ । व्यवस्थापिका संसदको बैठक आज पनि सूचना टाँसेर स्थगित भएको छ । संविधान संशोधनको विषयमा असन्तुष्टि जनाउदै एमाले सहितका प्रतिपक्ष दलले अबरोध जारी राख्ने निर्णय गरेपछि बैठक आगामी आईतबार सम्मका स्थगित गरिएको हो ।

यो सहित ८ वटा बैठक लगातार स्थगित भएका छन् । एमाले लगायतका केहि प्रतिपक्षी दलले सरकारले गत मंसिर १४ गते दर्ता गरेको संविधान संशोधन विधेयक फिर्ता नलिएसम्म बैठक चल्न नदिने अडान राखेका छन ।

गत सोमवार निर्वाचनसम्बन्धि बिधेयक र संविधान संशोधन विधेयकलाई बैठकको कार्यसूचिमा राखिएको थियो । यस बीचमा सभामुख ओनसरी घर्तिले सहमतिको प्रयास गरेपनि सफल हुन सकेन ।

लगायतार बैठक स्थगित हुँदा निर्वाचनसंग सम्बन्धित विधेयक अघि बढ्न सकेको छैन भने अख्तियारका लिम्बित प्रमुख लोकमानसिंह कार्कीबिरुद्धको महाअभियोग प्रस्ताव समेत अलपत्र परेको छ ।

काठमाडौं-निजगढ द्रुतमार्ग निर्माणका लागि सात सदस्यीय समिति गठन

७ पुस, २०७३।  सरकारले काठमाडौं-निजगढ द्रुतमार्ग निर्माणका लागि राष्ट्रिय योजना आयोगका उपाध्यक्ष डाक्टर मीनबहादुर श्रेष्ठको नेतृत्वमा सात सदस्यीय समिति गठन गरेको छ ।

सिंहदरबारमा आज बसेको मन्त्रीपरिषद बैठकले समितिलाई द्रुतमार्ग नेपाल आफैले निर्माण गर्ने सम्बन्धमा आवश्यक अध्ययन गरी एक महिनामा प्रतिवेदन बुझाउने कार्यदेश दिएको छ ।

द्रुतमार्ग निर्माणमा यसअघि नै तयार गरिएको डिपिआर उपयोग गर्न सकिने वा नयाँ बनाउने, निर्माण कार्यमा जनताको लगानी वा अरु उपायको खोजी गर्नेबारे सिफारिस गर्ने अधिकार पनि समिितलाइ दिइएको छ । द्रुतमार्ग निर्माणको ठेक्का लिएको भारतको इन्फ्रास्टक्चर लिजिङ एण्ड फाइनान्सियल सर्भिसेज कम्पनीसँगको सम्झौता तोडेर सरकारले आफ्नै लगानीमा बनाउने निर्णय गरेको थियो । यस्तै बैठकले काठमाडौं उपत्यका विकास प्राधिकरण पुनरावेदन समितिको अध्यक्षमा प्रमोदकुमार वैद्यलाई नियुक्त गरेको छ ।

बैठकले नेपाल औषधि लिमिटेडको महाप्रवन्धकमा रोवसकुशुम सुवेदीलाई नियुक्त गर्दै मानव कृतिम अंग प्रत्यारोपण सहजीकरणका लागि एक संस्थाको स्थापना गर्ने निर्णय गरेको सरकारका प्रबक्ता संचारमन्त्री सुरेन्द्र कार्कीले जानकारी दिनुभयो ।

यस्तै सरकारले राष्ट्रिय फुटबल टिमलाई प्रोत्साहन स्वरुप ७५ लाख रुपैयाँ दिने निर्णय समेत गरेको छ । शुक्लाफाँटा वन्यजन्तु आरक्षको नाम परिवर्तन गरी त्यसलाई राष्ट्रिय निकुञ्जमा स्तरोन्नति गर्ने निर्णय पनि सरकारले गरेको छ । बैठकले चार जना सचिवको सरुवा पनि गरेको छ ।

प्रधानमन्त्री कार्यालयका सचिव महेन्द्र गुरुङलाई सञ्चार मन्त्रालयमा, सञ्चारका दिनेशकुमार थपलियालाई प्रधानमन्त्री कार्यालयमा, भूमि सुधारका मोहन सापकोटालाई सहकारी तथा गरिवी निवारण मन्त्रालयमा र मध्य पश्चिमका क्षेत्रीय प्रशासक कृष्णप्रसाद देवाकोटालाई भूमिसुधार मन्त्रालयमा सरुवा गरिएको हो ।

निर्वाचन गर्न आयोग सक्षम - यादव

पुस ६, २०७३। प्रमुख निर्वाचन आयुक्त अयोधीप्रसाद यादवले निर्वाचनसँग सम्वन्धित कानुन बने निर्वाचन आयोग जुनसुकै तहको निर्वाचन गर्न सक्षम रहेको बताउनुभएको छ ।

हेटौंडास्थित निर्वाचन कार्यालयको भवन उद्घाटन गर्दै प्रमुख आयुक्त यादवले निर्वाचनको आधार सरकारले बनाउनुपर्ने बताउनुभयो । निर्वाचनसँग सम्वन्धित कानुन बनेर सरकारले मिति घोषणा गरे आयोग निर्वाचन गराउन तयार रहेको यादवको भनाई थियो ।

आयोगले एक वर्षअघि नै निर्वाचन कानून पारित गर्नका लागि सरकारलाई बुझाएको भएपनि अहिलेसम्म उक्त कानून अघि बढ्न नसकेको भन्दै आयोगले चुनावको मिति घोषणा गर्ने लगायतको अधिकार पाउनुपर्ने बताउनुभयो । यसैबीच जिल्ला निर्वाचन कार्यालय मकवानपुरले आजदेखि आफ्नै भवनबाट सेवा सुरु गरेको छ । २०५४ सालमा मकवानपुरमा स्थापना भएको जिल्ला निर्वाचन कार्यालयले १९ वर्षपछि आफ्नै भवनबाट सेवा सुरु गरेको हो ।

२०६९ असार २६ गते निर्माण सम्झौता भएको भवनको निर्माण कार्य २०७२ चैत मसान्तमा सकिएको जिल्ला निर्वाचन कार्यालय मकवानपुरका प्रमुख गोविन्द पौडेलले बताउनुभयो ।

आदिवासी जनजाति महासङ्घमा बराम विजयी

चितवन, ६ पुस,२०७३ ।   नेपाल आदिवासी जनजाति महासङ्घको नवौँ राष्ट्रिय महाधिवेशनले जगत बरामको नेतृत्वमा नयाँ कार्यसमिति चयन गरेको छ । 

नयाँ नेतृत्वका लागि नेपाली काँग्रेस र नेकपा (माओवादी केन्द्र)लगायत अन्य साना दलकोे प्यानलबाट जगत बरामले नेकपा (एमाले)का तर्फबाट अध्यक्षका उम्मेदवार रहेका सूर्य भुजेललाई आठ मतले पछि पार्दै विजयी भएका हुन्। ५६ मतदाता रहेको महासङ्घमा बरामले ३१ र भुजेलले २३ मत पाएका थिए भने एक मत बदर र एकजना मतदानमा सहभागी नभएको निर्वाचन समितिले जनाएको छ ।

यस्तै, महासचिवमा गठबन्धनकै नित्यनन्द ताजपुरिया र कोषाध्यक्षमा मुकुन्द पहारी विजयी भएका छन्।  महासचिवमा विजयी ताजपुरियाले ३५ र उनका प्रतिद्वन्द्वी टासी ह्याल्मुले १५ मत प्राप्त गरे। यसैगरी, कोषाध्यक्षमा मुकुन्द पहारीले ३६ र उनका प्रतिद्वन्द्वी प्रेमीलाल चौधरीले १५ मत प्राप्त गरेका थिए। गत शनिबार सुरु भएको महाधिवेशन विवादका कारण आज मात्रै सम्पन्न भएको हो ।

एमाले विरुद्ध नेपाली काँग्रेस, माओवादी केन्द्र, सङ्घीय समाजवादी फोरम, नयाँ शक्ति र राप्रपाको गठबन्धन बनेको थियो । यसअघि महाधिवेशनले प्रदेश अनुसारको विधान संशोधन गरेको छ ।

तेह्र सदस्यीय सचिवालयलाई बढाएर २१ सदस्यीय बनाएको महासङ्घका अध्यक्ष नगेन्द्र कुमालले बताए । संशोधित विधान अनुसार अध्यक्ष, महासचिव र कोषाध्यक्षसहित आठ उपाध्यक्ष र १० सचिव हुने व्यवस्था गरिएको उनले जानकारी दिए। रासस

जनकपुरमा सडक छेउको नालामा युवकको शव

 ६ पुस,२०७३ ।   जनकपुरको पिडारीचोक स्थित सडक छेउको नालामा एक युवकको शव भेटिएको छ । जनकपुर–ढल्केवर सडकखण्डको पिडारीचोकबाट उत्तरपश्चिम छेउको नालामा युवकको शव देखेपछि स्थानीय बासिन्दाले प्रहरीलाई खबर गरेका थिए ।

युवकको शव प्रहरीले नालाबाट निकालेर पोष्टमार्टमका लागि जनकपुर अञ्चल अस्पताल लगेको छ । वडा प्रहरी कार्यालय मुजेलियाका अनुसार  मंगलबार राति ११ बजेको समयमा जनकपुरबाट ढल्केवर तर्फ जान लागेको बिआर ३० पि ६६३२ नम्बरको भारतीय नम्बरप्लेटको स्कारपिओ अत्यधिक गतिका कारण दुर्घटना भएको थियो । तर प्रहरी टोली पुग्दा त्यहाँ कोही पनि थिएनन् । प्रहरीले राति नै दुर्घटना भएको स्कारपिओ नियन्त्रणमा लिएको थियो ।

बुधबार बिहान दुर्घटना स्थलकै नालामा शव भेटेपछि स्कारपिओमै सवार कुनै व्यक्ति भएको वा अन्य व्यक्तिलाई ठक्कर दिएर घाइते भएको अवस्थामा फालेको विषयमा अनुसन्धान भइरहेको वडा प्रहरी कार्यालय मुजेलियाका सई गगन शाहीले बताउनुभयो ।