उदयपुर/ उदयपुरको रौतामाई नगरपालिका –४ माल्वासेका १३ बर्षीय बालक बिशाल सार्कीको भिरबाट लडेर मृत्यु भएको छ । घर नजिकै रहेको जंरगेडाँडा भिरमा बाख्रा चराउन गएका बालकको आईतवार अपरान्ह पौने ५ बजेको समयमा सोही भिरबाट लडेर मृत्यु भएको जिल्ला प्रहरी कार्यालय उदयपुरले जनाएको छ । घटनास्थलमा प्रहरी टोली खटि गई थप अनुसन्धान कार्य भईरहेको प्रहरीले जनाएको छ ।
दमक। दमक र लखनपुरका लायन्सकर्मीहरुले दमकको हिमालय माविको आज सेनिटाइज गरेका छन् । उनीहरुले विद्यालयको सबै क्षेत्रको सेनिटाइज गरेको लायन्स क्लब अफ दमक लखनपुरका सचिव दिपक खड्काले जानकारी दिनुभयो ।
विद्यालयमा प्रशासन खुल्ला रहेको तथा धेरै विद्यार्थी भएको र विद्यार्थीहरु पनि आउन थालेकोले सेनिटाइज गरिएको दमक लखनपुरका अध्यक्ष राजु खड्काले बताउनु भयो । सो क्रममा विद्यालयको गेटदेखि नै सेनिटाइज गरिएको थियो । विद्यालयको अफिस, कक्षा कोठा सबै क्षेत्रको सेनिटाइज गरिएको भन्दै अध्यक्ष खड्काले साप्ताहिक कार्यक्रम अन्तरगत आज हिमावीमा सेनिटाइज गरिएको बताउनु भयो ।
सेनिटाइज कार्यक्रम लायन्स क्लब अफ दमक लखनपुर, लायन्स क्लब अफ दमक एक्टिभ, लायन्स क्लब अफ दमक गरिमाले संयुक्त रुपमा गरेका हुन् ।
रिजन चियरपर्सन चन्द्र गजमेरको प्रमुख आतिथ्यतामा भएको कार्यक्रममा विशिष्ठ अतिथि जोन चियरपर्सन हेमसिंह अधिकारी, विद्यालयका प्रधानाध्यापक ओम प्रसाद आचार्य, लायन्स क्लब अफ दमक एक्टिभको अध्यक्ष कल्पना पोखरेल, गरिमाका अध्यक्ष नविन अग्रवाल, लिओका अध्यक्ष दीपना भट्टराई आइपीपी अनिस खड्का लगायतको उपस्थिति रहेको थियो । दमक लखनपुरका सेकेण्ड भाइस प्रेसिडेण्ट दयासागर आचार्यको संयोजनमा भएको कार्यक्रम सचिव दिपक खड्काले संचालन गर्नु भएको थियो ।
उत्तम रिजाल,दमक। सामाजिक कार्यमा सक्रिय संस्था हिमानी कोषले आज झापाको भद्रपुर नगरपालिकाका २० विपन्न परिवारलाई खाद्यान्न सामाग्री वितरण गरेको छ । पूर्व युवराज्ञी हिमानी शाहको नेतृत्वमा रहेको सो संस्थाले नगर क्षेत्रका अपांग, वृद्धवृद्धा, एकल महिला तथा विपन्न समुदायका परिवारलाई राहत सामाग्री वितरण गरेको हो । हिमानी कोषले भद्रपुर ६ र ७ का २० परिवारलाई खाद्यान्न सामग्री वितरण गरेको हो । कोषले प्रति परिवार २५ केजी चामल वितरण गरेको उत्तम भट्टराईले जानकारी दिनुभयो ।
कोभिड–१९ महामारी पश्चात देशभर हिमानी कोषले राहत वितरणलाई तिब्र बनाएको छ । सोही अन्तरगत हिमानी कोषको सहयोगमा भद्रपुरका विपन्न परिवारलाई राहत चामल हस्तान्तरण गरिएको हिमानी कोष झापाकी अगुवा पुनमसिंह राजवंशीले बताउनु भयो । कोषले समयानुसार आवश्यकतालाई हेरेर थप सहयोग गर्ने पनि उहाँले बताउनु भयो ।
२०७८, असार ४
उत्तम रिजाल, दमक/ कोरोना संक्रमितहरुलाई उपचारको लागि अभावका रुपमा रहेको अक्सिजन सिलिण्डरसहित इलामको चुलाचुली गाउँपालिकालाई आज विभिन्न स्वास्थ्य सामाग्री प्रदान गरिएको छ ।
सो सामाग्री भुटानी शरणार्थी शिविर बेलडाँगीका शिविर प्रमुख सुरेन्द्र दाहालले प्रदान गर्नु भएको हो । उहाँले गाउँपालिकाका प्रमुख प्रदिपचन्द्र राईलाई सो सामाग्री प्रदान गर्नु भएको हो ।
अमेरिकामा रहेको ग्लोबल भुट्निज हिन्दु अर्गनाइजेशनका तर्फबाट सो अर्गनाइजेशनका अध्यक्ष कमल धिमालले पठाएका ती सामाग्री एक कार्यक्रमकाविच शिविरको कार्यालयबाट शिविर प्रमुख दाहालले प्रदान गर्नु भएको हो ।
चुलाचुलीलाई प्रदान गरिएका सामाग्रीमा ४ ओटा अक्सिजन सिलिण्डर, ४ ओटा अक्सिजन रेगुलेटर, २० ओटा सिराने सहित बेडसीट, एक अक्सिमिटर, १० लिटर सेनिटाइजर, एक हजार ओटा सर्जिकल मास्क र २० ओटा केएन ९५ मास्क छन् ।
सहयोग हस्तान्तरण कार्यक्रममा शिविर व्यवस्थापन समितिका सल्लाहकार टिआर कालिकोटे लगायतको उपस्थिति रहेको थियो । ति सामाग्रीहरु कोरोना संक्रमित भुटानी शरणार्थी तथा शरणार्थी आसपासका संक्रमितहरुको उपचारमा सहयोग गर्ने उदेश्यले प्रदान गरिएको शिविर प्रमुख दाहालले जानकारी दिनुभयो ।
२०७८, जेठ २४
उत्तम रिजाल, २३ जेठ ,दमक/ कोरोना भाइरस संक्रमितले अक्सिजन अभाबमा मृत्युबरण गरिरहेको अबस्थामा झापाको दमक स्थित भुटानी शरणार्थी शिविरका शिविर प्रमुख सुरेन्द्रराज दाहालले दुई स्थानीय तहका लागि ८ ओटा अक्सिजन सिलिण्डर हस्तान्तरण गर्नु भएको छ ।
वहाँले झापाको दमक नगरपालिकालाई दमक कोभिड उपचार केन्द्रका लागि ३ ओटा र मोरङ्गको मिक्लाजुङ्ग गाउँपालिकाको आइसोलेशन तथा उपचारकेन्द्रको लागि ५ ओटा गरी ८ ओटा ठूलो साइजको अक्सिजन सिलिण्डर सहित अन्य स्वास्थ्य सामाग्री हस्तान्तरण गर्नु भएको हो ।
बेलडाँगी स्थित भुटानी शरणार्थी शिविरमै सहयोग हस्तान्तरण गर्दै शिविर प्रमुख दाहालले भुटानी शरणार्थीहरु तथा अन्य कोरोना संक्रमितहरुले अक्सिजनको अभावमा मृत्युवरण गर्नु नपरोस भनेर सहयोग हस्तान्तरण गरेको बताउनु भयो । त्यस्तै शिविर सचिव कृष्ण सुब्बाले शिविर भित्रका कोहिपनि संक्रमित भए उनीहरुलाई उपचार गर्न तथा शिविर बाहिरका अन्य संक्रमितको उपचारमा अक्सिजनको अभाब हुन नदिन दाताबाट प्राप्त स्वास्थ्य सामाग्री सहयोग गरिएको बताउनु भयो ।
सोक्रममा दमक नगरपालिकालाई ३ ओटा, मिक्लाजुङ्ग गाउँपालिकालाई ५ ओटा अक्सिजन रेगुलेटर पनि सहयोग गरिएको छ । त्यस्तै मिक्लाजुङ्गलाई सिराने सहितको ३० बेड सीट र दमकलाई २० बेड सीट तथा एक/एक हजार सर्जिकल मास्क, २०/२० ओटा केएन ९५ मास्क प्रदान गर्नुभयो । त्यस्तै मिक्लाजुङ्गलाई एक ओटा अक्सिमिटर र दश लिटर सेनिटाइजर पनि दिइएको छ ।
ती स्वास्थ्य सामाग्रीहरु मिक्लाजुङ्ग गाउँपालिकाका लागि गाउँपालिका प्रमुख देवीप्रसाद आचार्य र दमक नगरपालिकाका लागि उप–प्रमुख गिता अधिकारीलाई हस्तान्तरण गरिएको छ ।
क्याम्प सचिव कृष्ण सुब्बाको अध्यक्षतामा भएको सहयोग हस्तान्तरण कार्यक्रममा क्याम्पका सल्लाहकार टिकाराम कालीकोटे, शसस्त्र प्रहरीबल बेलडाँगी बेस क्याम्पका प्रमुख गोपाल पोखरेल, लगायतको उपस्थिति रहेको थियो । सो सहयोग ग्लोबल भुट्निज हिन्दु अर्गनाइजेशनको तर्फबाट अध्यक्ष कमल धिमालले पठाएका थिए । उनी अमेरिकामा बस्दै आएका छन् ।
काठमाडौं/ नेकपा एमालेको स्थायी समिति बैठकले पार्टीका वरिष्ठ नेताहरु माधव नेपाल र झलनाथ खनालसहित ११ जना नेतालाई पार्टीबाट निस्काशन गरेको छ। उनीहरुलाई एमालेको साधारणसदस्य समेत नरहने गरी निस्कासित गरिएको हो।
नेकपा एमालेले पार्टीको हीतविपरीत कार्य गरेको ठहर गर्दै वरिष्ठ नेता माधवकुमार नेपाल लगायतका ११ जनालाई साधारण सदस्य समेत नरहने गरी कारवाही गरेको एक स्थायी समिति सदस्यले बताए।
नेपाल १५ वर्षसम्म एमाले पार्टी प्रमुख रहेका नेता हुन् भने खनाल पनि एक कार्यकाल पार्टी अध्यक्ष भएका व्यक्ति हुन्। नेपाल र खनाल दुवैजना पूर्वप्रधानमन्त्री हुन्।
बरिष्ठ नेता नेपाल, अर्का बरिष्ठ नेता झलनाथ खनाल, भीम रावल, मुकुन्द न्यौपाने, रामकुमारी झाँक्री, कल्याणी खड्का, सरला यादव, पुष्पा कर्ण, लक्ष्मी चौधरी, कलिला खातुन र निरा देवी जैरुलाई पार्टीबाट निष्कासन गरिएको हो।
दमक। सहयोगी हात नेपालले कोरोना महामारीसँगैको निषेधाज्ञामा खटिएका सुरक्षाकर्मीका लागि सहयोग गरेको छ । उसले दमक, केर्खा, चुलाचुली लगायतका प्रहरीहरुको लागि जारसहितको पिउने पानी, मास्क र सेनिटाइजर सहयोग गरेको हो ।
वितरण पछि संस्थाका अध्यक्ष छविलाल बाँसकोटाले यो विषम परिस्थितिमा जनमानसको निम्ति अहोरात्र खटिएका सुरक्षाकर्मी लाई केही मात्रामा राहत मिलोस भन्ने अभिप्रायले सहयोग गरेको प्रतिक्रिया दिनुभयो ।
सो संस्थाले दमकको डाँफेमुनाल चोक, ताराबारी प्रहरी विट,फाल्गुनन्द चोक प्रहरी विट, पाडाँजुगी प्रहरी विट केर्खा प्रहरी विट इलामको चुलाचुली प्रहरी चौकी तथा दमक कोभिड अस्पताल बेलडाँँगीमा पिउने पानी, जार, मास्क ,सेनिटाइजर वितरण गरेको छ ।
सो क्रममा संस्था अध्यक्ष छविलाल बास्कोटा, वरिष्ठ उपाध्यक्ष रमा लिम्बू , उपाध्यक्ष भानुभक्त खतिवडा सचिव रमेश अधिकारी कोषाध्यक्ष ख्यामराज अधिकरी, सल्लाहकार बिमल शर्मा,ताराप्रसाद अधिकारी, लगायतको उपस्थिति रहेको थियो ।
२०७८, जेठ २
दमक। जीवन यापनका क्रममा अमेरिका पुग्नु भएका पूर्व फुटबल खेलाडी रेवती उप्रेती यतिबेला नेपाली खेलकुद विकासका लागि लगानी गर्दै हुनुहुन्छ । ...
