दमक। जीवन यापनका क्रममा अमेरिका पुग्नु भएका पूर्व फुटबल खेलाडी रेवती उप्रेती यतिबेला नेपाली खेलकुद विकासका लागि लगानी गर्दै हुनुहुन्छ । २०३८ सालमा ईलाममा जन्मिनु भएका उप्रेती नेपालमा हुँदा फुटबल खेल्ने गर्नु हुन्थ्यो ।
हाल अमेरिकामा दैनिकी चलाउदै आउनुभएका उप्रेती समाजसेवामा रमाउनु हुन्छ ।
चितवनबाट कृषि जेटिए र मदन भण्डारी स्मृति प्रतिष्ठान उर्लाबारीबाट भेटेरिनरी जेटिए अध्ययन पुरा गर्नु भएका उप्रेती अमेरिका गएको १५ बर्ष भयो ।
अमेरिकामा दैनिकी चलाउने उप्रेतीको सोचाई भने हर क्षण नेपाल कै लागि हुन्छ । उहाँ फुर्सदको समयमा आफ्ना दौतरीहरुलाई सम्झनु हुन्छ । र योजना बनाउनु हुन्छ । उप्रेतीले बनाएका थुप्रै योजनाहरु छन् ।
उहाँको योजना बमोजिम नै नेपाल आए लगत्तै नेपाली रेफ्रीहरुलाई फुटबल खेलाउन सहज होस भनेर आफ्ना खेल मैदानमा सँगै फुटबल खेल्ने सहपाठी तथा रेफ्री लिला बाँसकोटालाई रेडियो ब्लुतुथ कम्युनिकेशन दिनुभयो । उहाँले यतिमा मात्रै चित्त बुझाउनु भएन् । उप्रेतीले एउटा गतिलो चेन्जिङ बोर्ड समेत उपलब्ध गराउनुभयो ।
उप्रेतीले यतिमा मात्रै आफुलाई रोक्नु भएन्। उहाँले मोरङको एउटा क्लबलाई डिजिटल चेन्जिङ बोर्ड र नेपालको राष्ट्रिय फुटबल टोलीका लागि खेलाडीहरूको पोजिशन पत्ता लगाउने ईण्डिकेटर समेत प्रदान गर्नुभयो । उप्रेती जहाँ जहाँ जानुहुन्छ त्यहाँ केहीनकेही सहयोग गरिहाल्नु हुन्छ ।
उहाँ नेपाली खेलकुद माथि उठाउने सपना बोकेर हिडिरहनु भएको छ। भविष्यमा कुनैपनि कमि नहोस भनेर दैनिक सोच्ने उप्रेती नेपाली फुटबल विकासका लागि मात्र नभई समाजसेवाका लागि पनि उतिकै खर्चने गर्नुहुन्छ ।
उप्रेतीको सपना छ कि, बुबा आमा नभएका कोहीपनि पढ्नबाट बन्चित नहुन् । यदि कोही त्यस्तो भए आफू पढाईदिने उद्घोष गर्ने उहाँ निकट भविष्यमा ग्रामिण क्षेत्रका लागि एम्बुलेन्स प्रदान गर्ने सोचमा पनि हुनुहुन्छ ।
डिल्लीराम उप्रेती र कृष्णमाया उप्रेतीका एक मात्र सन्तान उप्रेतीको समाजसेवा र नेपाली फुट्बल विकास प्रतिको चाहाना पूरा होस् , शुभकामना ।
